Burela, 27 de marzo de 2015.- A revolución laranxa, que deixou tan boa pegada no seu debut da Copa de España de Cidade Real 2015, volve á liga de Primeira LNFS mañá, na 26ª xornada, coa visita do Uruguay Tenerife, que recalará en Vista Alegre, como penúltimo clasificado, con 9 puntos. Mariñáns e insulares saltarán á pista ás 18.30 horas, coa antesala do Burela FS Pescados Rubén-Roldán (16.00 horas) de Primeira RFEF.
“Xa tiñamos ganas de volver á competición e demostrarnos que podemos render coma na Copa cunha regularidade. Ese é o obxectivo, manter o nivel de rendemento ofrecido en Cidade Real ante Movistar e Jaén” falaba así Juanlu, con satisfacción. Ao Burela FS quédanlle cinco finais ata o remate ligueiro para cumprir con esa meta: “As contas son gañar os cinco encontros, de un en un. É coma unha segunda Copa; se non vencemos no primeiro, o seguinte xa non serve” facía así referencia o adestrador á cita cos de Tenerife, sendo cauto. “A nosa maior preocupación é o noso equipo; enfrontámonos a un club con grandes dificultades, pero os partidos gáñanse na pista. Afrontamos a cita con respecto e se non xogamos ao cento por cento non gañaremos”, advertía.
Os lesionados Jorge Bellvert e Isi aínda continúan os seus respectivos procesos de recuperación.
Vista Alegre gardará un minuto de silencio antes do asubío inicial en memoria dos falecidos no accidente aéreo de Germanwings ocorrido esta semana nos Alpes, no que viaxaban 51 españois.
Convocatoria Burela FS Pescados Rubén: 1. Edu, 5. Iago Míguez, 9. Behroz, 10. Matamoros, 11.Chano, 13. Álex, 14. Miguel, 17. Carlitos, 23. Antoñito, 27. Renato, 29. Ángel, 30. Hélder
Prezos especiais
Nunha tarde cento por cento laranxa, con partidos de Primeira División RFEF e LNFS, o club habilitará entradas especiais. Para os socios e menores de idade a Tarde Laranxa será gratuíta; os adultos non socios poderán gozar dos dous encontros por tan só 5 euros.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
