Santiago, 28 de marzo de 2015.- A nova edición do Festival Mondoñedo é Poesía encherá as rúas e outros espazos singulares do municipio lucense de recitais poético-musicais para poñer en valor a creación literaria galega e mindoniense de hoxe e de onte. Para iso contará coa participación de escritores e de músicos como Yolanda Castaño, Luz Pozo Garza, Chus Amieiro, Baldo Ramos, Eduardo Estévez, César Morán, Miro Casabella e Caxigueiro, que converterán Mondoñedo na capital galega da poesía o vindeiro día 1 de maio.
Promovido polo Colectivo Mondoñedo É… e mais pola Asociación As San Lucas, co apoio da Secretaría Xeral de Cultura da Consellería de Cultura e Educación, o festival arrancará a súa segunda edición ás 18 horas, cando dará comezo un recital poético a cargo de Chus Amieiro, Conce Agrelo, Eduard del Castillo, Eduardo Estévez, Baldo Ramos e Alexandro Lago, gañador do XV Premio de Poesía Díaz Jácome. As súas voces guiarán o percorrido literario que, durante unha hora, percorrerá Mondoñedo desde a praza da Catedral ata a praza Jaime Cabot, previo paso pola praza do Concello.
A continuación, o auditorio municipal Pascual Veiga será o escenario do recital poético-musical que ofrecerán os e as escritoras Luz Pozo Garza, Lois Pérez, Yolanda Castaño, Eduard del Castillo, Eduardo Estévez, Baldo Ramos e Aleixandro Lago Barcala, acompañados polos músicos César Morán, Miro Casabella e Arcadio Mon. O audiovisual tamén estará presente nesta cita literaria cunha videocreación poética de Caxigueiro.
O Festival Mondoñedo é Poesía ten como principal finalidade achegarlle a poesía a todos os públicos, poñendo en valor o patrimonio literario mindoniense, en particular, e o galego, en xeral. Para iso recupera figuras como Álvaro Cunqueiro, Xosé Díaz Jácome, Leiras Pulpeiro, Noriega Varela e outros moitos poetas nacidos ou formados en Mondoñedo, ao tempo que serve para difundir e dar a coñecer nomes da literatura galega actual que cultivan a poesía.
No festival, que reafirma Mondoñedo como un referente cultural, tamén terá cabida a creatividade dos máis novos. Alumnos e alumnas de centros escolares do concello e a contorna amosarán os seus traballos poéticos no ‘Tendal da poesía’ que se amosará no auditorio, onde tamén se instalarán algunhas librerías con obras dos escritores e escritoras que participan nesta nova edición do festival.
Apoio aos escritores e á creación literaria
Ademais da súa colaboración con iniciativas como o Festival Mondoñedo é Poesía, no ámbito da difusión e promoción literaria a Consellería de Cultura e Educación vén favorecendo a creatividade en galego co seu apoio a diversos certames, como os premios de poesía Concello de Carral, Afundación, Gonzalo López Abente, Xosé M. López ‘Ardeiro’ e Eusebio Lorenzo Baleirón, xunto co Premio de Narrativa Breve Repsol para escritores en lingua galega.
En 2014, a Secretaría Xeral de Cultura tamén contribuíu á creación dun novo certame organizado de forma conxunta pola Xunta de Galicia, o Con¬cello de Cotobade e a Deputación de Pontevedra, o I Certame de Relato Breve Nélida Piñón. Ademais, colabora anualmente coa Asociación de Escritores e Escritoras en Lingua Galega e co Centro PEN Galicia para a realización de actuacións de fomento da literatura galega e a difusión dos seus autores e autoras.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
