Imaxe da web fabadelourenza.org
LOURENZÁ .- Os productores de faba interesados en vender no mercado dos domingos deberan renovar o carnet de productor, según indica a responsable de Medio Rural do Concello de Lourenza, María Emma Alvarez Chao. Ós productores que teñan o carnet caducado ubicaranos na “parte de detrás do mercado”, explica a concelleira nunha carta que remitiu ós concellos de A Mariña e os fabeiros inscritos no rexistro de Lourenzá. O mercado iniciarase o domingo 20 de setembro a partir das 8 da mañá.
REFERENCIA
En Lourenzá, a 4 de Setembro do 2009
Estimad@ fabeir@:
Un ano máis por estas datas póñome en contacto con vós para recordarvos a necesidade de renova-lo carné de productor de FABA para vendela vosa producción no habitual MERCADO DOS DOMINGOS.
Como en anos anteriores o recinto estará separado en dúas zoas, por un lado o destinado á venda da nosa leguminosa con carné, donde só se permitirá o acceso aos fabeiros que teñan o carné renovado e que deberán traelo cada vez que veñan ó mercado posto que o persoal do Concello que está na porta de entrada terá orde de desviar á parte de detrás do mercado aos productores que o teñan caducado. Sentimos as molestias que lles poidan ocasionar, pero entendemos que esta é a única maneira de garantir que o que se vende é faba procedente da mariña de Lugo.
O mercado iniciarase o domingo 20 de setembro e o horario de apertura, será a partir das 8 da mañá.
Esta renovación é obrigatoria para todo-los productores inclusive os que esteñan baixo o amparo da IXP Faba de Lourenzá, posto que como ben saben esta última non contempla a venta de faba a granel e ademáis, os inscritos, non teñen toda a producción dentro da Indicación.
O prazo para inscripcións e renovacións iniciase a partires de hoxe polas mañás na oficina da Técnico de Emprego situada na casa consistorial de 9 a 13 horas e polas tardes na Biblioteca Municipal de 17:30 a 20:00 sendo necesario traer unha fotogafría reciente, e o Documento Nacional de Identidade xa que este ano necesitamos facer carnés novos a todo-los productores.
Recordámoslle tamén que este mercado é para a venda a granel quedando totalmente prohibida a venda ao detalle, sobre todo o primeiro domingo de outubro que se celebra a tradiciona Festa da Faba.
Por outra banda, dende a delegación de Medio Rural do Concello, conscientes da importancia que ten a faba para o desenvolvemento tanto económico como social do territorio, está a elaborar un estudo para ver a viabilidade de poñer en marcha unha cooperativa comercializadora deste produto. Esta cooperativa agruparía aos produtores da zona e permitiríalles comercializar a súa produción polo xunto, garantindo uns prezos dignos para os agricultores e valorizando a imaxe da Faba de Lourenzá en novos mercados.
Neste sentido, a empresa Proxectos Consultoría e Formación está a realizar unha serie de entrevistas aos produtores de faba para coñecer a súa visión sobre o cooperativismo, a súa maneira de traballar, a súa opinión sobre a Indicación Xeográfica Protexida Faba de Lourenzá, os problemas cos que se atopa e as súas perspectivas de futuro. A colaboración dos produtores é indispensable para a boa marcha desta iniciativa, e por iso nos gustaría contar coa súa colaboración.
Para facilitarlles ós vosos datos aos técnicos da empresa, precisamos o voso consentimento, polo que vos agradeceriamos nos comunicarades á vosa disposición. Igualmente, proporcionámosvos os seus datos de contacto por se queredes ter mais información ao respecto:
Persoas de contacto: Marta Míguez e Pablo Rey
Tfno: 981 569158
Correo electrónico: fabadelourenza@proxectos.com
Sin máis aproveito a ocasión para saudalos atentamente, e darlles as grazas por colaborar có Concello na procura de que este mercado transcurra sin incidentes e poder conseguir para a nosa faba o valor que se merece.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
