Barreiros, 9 de abril de 2015.- A clasificación sanitaria final das zonas de baño en Barreiros indica que a calidade da auga durante o 2014 nos areais do municipio foi excelente. Os datos foron recibidos este xoves no Concello, segundo asegurou o alcalde, Alfonso Fuente.
O rexedor declarou que “en Barreiros, fronte ás críticas que estamos a recibir día tras día sobre a calidade das augas de baño dicindo que hai vertidos nas praias, o que vai en contra dos intereses de todos os veciños, aos que lles interesa que os turistas veñan aos nosos areais, está o que hoxe recibíamos: a clasificación anual das zonas de baño, onde podemos comprobar unha vez máis, e son análises que non fai o Concello senón o Servizo Galego de Saúde, que todas as praias de Barreiros teñen a clasificación de excelente. E quero matizar que excelente é a máxima categoría que pode recibir a auga de baño. É dicir que todas e cada unha das praias de Barreiros nas zonas de baño a clasificación da auga é excelente”.
A clasificación sanitaria final das zonas de baño no ano 2014, que hoxe recibiu o Concello de Barreiros, foi de excelente en Arealonga, As Pasadas, Lóngara, Fontela-Valea, Acantilado-Remior, San Bartolo, Altar e Coto. Dita clasificación faise seguindo o sistema de cálculo da Directiva 2006/7/CE e pode consultarse na páxina web da Dirección Xeral de Innovación e Xestión de Saúde Pública ou tamén a través de www.sergas.es, no apartado de mapa de zonas de baño de Galicia.
Fuente insiste en que “polo tanto é seguro e sen ningún risco para a saúde bañarse nas augas das praias de Barreiros”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
