Burela, 12 de abril de 2015.- Coa candidatura do PP de Burela, José Manuel Barreiro pon o peche e final a unha intensa fin de semana de presentación de listas populares en concellos mariñáns.
Barreiro, consciente de que para ningún rexedor foi sinxelo xestionar durante estes anos de crise, manifestou que quedou demostrado que confiar no PP é elixir estabilidade fronte ao caos; por orde fronte a desorde e insistiu en que os populares “non facemos política de palabras senón de feitos”.
Manifestou o popular, que con respecto a Burela, os feitos son visibles e proba diso, atópase, na ampliación do hospital da Costa, as obras de acceso ao porto que avanzan a un bo ritmo, a construción da nova gardería municipal; ademais dos cursos e obradoiros de emprego, a recuperación de todo un símbolo para Burela, como é o seu faro e a aprobación do Plan Xeral de Ordenación Municipal.
Pola súa banda, o candidato á reelección e actual alcalde de Burela, José María González Barcia comezou a súa intervención agradecéndolle aos membros do Equipo de Goberno o traballo realizado nestes últimos catro anos e no que á candidatura se refire, manifestou que “é representativa do que actualmente é Burela; con persoas que contan con experiencia, moitas delas novas, que se incorporan con ganas e ilusión e cun obxectivo claro: todas elas preséntanse co único fin de mellorar Burela e a calidade de vida que aquí temos”.- matizou.
González Barcia asegurou que a candidatura popular nace con vocación de gobernar, de facer as cousas con rigor e seriedade, de darlle a Burela estabilidade, para que os veciños que acudan ao concello saiban que poden falar con calquera representante popular; en definitiva, dixo, “para que non haxa dous ou incluso tres alcaldes distintos segundo de que se fale e que teñan problemas para entenderse”.
O rexedor afirmou que se o lema destes catro anos foi “traballar, traballar e traballar”, o lema dos catro seguintes será exactamente o mesmo, “porque non sabemos facer outra cousa”.
Recoñeceu que nestes catro anos puido haber erros en algúns temas e quizais as decisións que se tomaron non foron as máis axeitadas, pero dixo, “traballamos por aquelo que realmente lle importa á xente, e fomos preparando o terreo e dando pasos para facer precisamente aquelo que nos interesa a todos”. Citou a construción de novos aparcamentos gratuítos, máis servizos sociais e educativos, unha nova escola infantil, o acceso ó porto, ampliar o martelo do porto, reconstruír o faro, ou a ampliación do Hospital. “Fixemos todo isto para que Burela medre e se xere emprego e riqueza, para que aquí se quede a xente a vivir, porque iso é o que lle importa á xente”.
González Barcia destacou que o prioritario dos vindeiros catro anos será acabar o traballo iniciado, e seguir poñendo as bases do futuro, por un lado facilitando que se asenten empresas nas zonas marcadas como industriais no PXOM ou no Berbés, e mellorar e ampliar as dotacións de infraestruturas, como a EDAR”.
O actual alcalde e candidato á reelección pediulle ós asistentes que “se convertan na voz do partido na rúa, no traballo, nas charlas de cafetería, para difundir a mensaxe de que a xente do PP traballamos polo que lle importa á xente, para facer aquelo que lle permite medrar a Burela, e que ademais somos de fiar e os únicos que podemos dar estabilidade ó concello”.
CANDIDATURA PP BURELA
José Gónzález Barcia
Diana Durán García
José Casas Martínez
María del Mar Fraga Fernández
Alberto Rapa Martínez
Jasone Fátima Lorenzo Bahamonde
Genaro González Debasa
Josefa Yáñez Cao
María Belén Ramudo Rodríguez
Felicísimo Baño Fernández
Domingas Pereira Varela
Manuel Pardeiro Casabella
Justo Eijo Eijo
SUPLENTES
Patricia López Eijo
Beatriz Piñeiro López
José Luis González Arnau
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
