O Xulgado de Instrución de Viveiro, nun auto dictado o 29 de outubro do 2014, desestima o recurso presentado pola alcaldesa, concelleiros e ex concelleiros, ante a acusación de prevaricación urbanística.
O popular César Aja destaca que “o auto pon de manifesto que múltiples decisións adoptadas por membros do equipo de goberno presididos polo entón alcalde Melchor Roel, eran ilegais, sendo adoptadas con plena conciencia de que as mesmas eran constitutivas de delito e xa que logo constitúen actos punibles, como denunciei no seu momento”.
“Estas actitudes, sobre cuxa ilegalidade advertiramos no seu momento, causaron, están causando e van provocar no futuro cuantiosos custos económicos ás arcas municipais e poñen de manifesto o enorme prexuízo que estas decisións están carrexando ao concello e os seus cidadáns”, destaca o ex edil popular.
“Un pregúntase se realmente se outorga unha licenza de obra con informes técnicos, xurídicos e de Patrimonio negativos, a cambio de nada”, continúa. “Realmente é difícil de crer e sobre todo tendo en conta que foron moitas as licenzas concedidas por este sistema”.
Por outra banda, Aja insiste en que “esta é soamente a punta do iceberg, pois hai outras licenzas outorgadas con informes negativos como a de Vestas ou de O Celeiriño, pendentes de resolucións xudiciais e sobre as que pesan reclamacións millonarias”.
Nese sentido, pregunta César Aja se “os imputados van pagar co seu patrimonio persoal todos os gastos ocasionados ao concello polas súas actuacións delituosas. Quen vai restituír o dano económico e moral á Institución municipal? Estas e outras moitas cuestións deberían de respondelas os responsables de todo este desaguisado que tanto dano causaron e seguen causando ao desenvolvemento municipal”.
“Dada a situación procesal da Alcaldesa e a concelleira, deben de dimitir ipso-facto dos seus cargos e supoño que o Sr. Besteiro así o esixirá, aínda que dubido da imparcialidade e palabra de quen mantivo de asesor a un imputado aínda malia estar demostrado en sentenzas do TSXG, que había indicios de criminalidade no outorgamento de varias licenzas”, asegura Aja.
“Os grupos municipais que malia coñecer a imputación destas persoas e de coñecer que dita imputación estaba baseada nuns feitos delituosos, perfectamente corroborados e demostrados, ata con sentenzas tanto dos xulgados de Lugo como do TSXG, e que apoiaron en varias ocasións a investidura destas persoas, son igualmente colaboradores activos destas actuacións pois tiñan e teñen perfecto coñecemento das mesmas”, cre.
“Dado que non caben máis recursos o seguinte paso, segundo me informan os técnicos na materia, será a presentación do escrito de acusación e a apertura de xuízo”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
