A Mariña, 13 de abril de 2015. O BNG levará o mércores ao Parlamento Galego a situación que está a vivir o cadro de persoal da fábrica de Vestas en Viveiro. Despois do anuncio da empresa no que pretendía a extinción de 54 empregos e un expediente de regulación temporal para 95 persoas, o BNG trasladou a súa solidariedade ás traballadoras e traballadores e pide que a Xunta se implique no mantemento do emprego nunha comarca que, nos últimos anos, vén sufrindo un continuo proceso de perda e degradación do emprego.
O parlamentario do BNG, Cosme Pombo, que xa estivo reunido co comité de empresa para coñecer de primeira man a situación, expoñerá o mércores no pleno a importancia dunha fábrica coma a viveirense para a economía local e comarcal, ao tratarse dun cadro de persoal cualificado, cunha media de idade baixa e dun traballo de certa calidade nas condicións. “O que se fai é destruír emprego que ten certa calidade, conseguida polos traballadores coas súas loitas, para precarizalo e perxudicar ás empregadas e empregados”, afirman desde o BNG.
Desde o BNG na Mariña, Ana Ermida afirma que “non podemos permitir perder máis postos de traballo na comarca ou converter os que existen en traballo precario que non garante unhas mínimas condicións para as persoas que os prestan.”
“É preciso que a Xunta se implique na negociación. Estamos a falar dun sector no que Galiza podería ser punteiro e destacar na súa produción e o goberno galego, se é quen de actuar como tal, debe implicarse ao máximo nivel para garantir a continuidade da fábrica nas mesmas condicións que ata este momento”, afirma a responsábel comarcal.
“Non chega con boas palabras ou xestos. É preciso que a negociación sexa cara a cara entre goberno galego e empresa. A Xunta debe implicarse para defender ás traballadoras e traballadores e non pode deixar fuxir máis empresas que deixan en Galiza traballo precario cando teñen recibido cartos públicos para a súa actividade. Non pode poñerse de perfil e deixar pasar”, declarou Cosme Pombo.
A formación nacionalista esixirá o compromiso do goberno da Xunta para solucionar o conflito, así como que se chegue a compromisos coa dirección da empresa para garantir a continuidade dos empregos e das condicións que teñen ata este momento, ao entender que se trataría doutro duro golpe para a economía de Viveiro, da comarca e de toda a provincia.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
