Foz, 14 de abril de 2015. O tesoureiro da Mancomunidade de Municipios da Mariña, Javier Castiñeira, asistiu este martes na Escola de Hostalería de Foz á presentación dos Menús Arte_Sans. A iniciativa da Mancomunidade porase en marcha o vindeiro sábado, 18 de abril, en 10 restaurantes da comarca, que servirán os seus menús en pezas elaboradas para a ocasión por doce artesáns mariñáns. O proxecto foilles explicado este martes aos alumnos e alumnas do centro por Javier Castiñeira e polo coordinador dos Menús Arte_Sans, Lucas Requejo.
Castiñeira indicou que “cos Menús Arte_Sans a Mancomunidade de Municipios da Mariña quere promocionar a nosa hostalería desde o punto de vista dos nosos artesáns, que están a facer de verdadeiros guías turísticos da riqueza desta comarca. Fixemos hoxe esta presentación nun centro importante da Mariña, como é a Escola de Hostalería de Foz, que durante estes últimos anos está a ser un referente en Galicia. E qué mellor sitio para dar a coñecer este proxecto, no que se vincula a artesanía coa propia hostalería, coa propia cociña e do que se trata é de que os hostaleiros participantes da Mariña poidan servir os seus pratos, as súas propostas, en obras de artesáns desta comarca”.
O tesoureiro da Mancomunidade subliñou a promoción conxunta que se realiza grazas aos Menús Arte_Sans e “a promoción conxunta tamén que se fai desde hai anos desde a Mancomunidade de Municipios da Mariña, presidida por Alfonso Fuente Parga, alcalde de Barreiros, que está a facer un traballo excepcional e que cremos que está a funcionar porque A Mariña máis que nunca está a brillar turísticamente. Agora mesmo esta comarca é un destino dos importantes de Galicia, estámolo a ver nos nosos pobos, que durante a pasada Semana Santa estiveron a tope de ocupación”.
Javier Castiñeira aludiu á importancia de dar a coñecer os Menús Arte_Sans “dentro dun todo que é A Mariña e que os pratos elaborados polos hostaleiros participantes se sirvan en pezas de artesanía, feito que contribuirá a que se resalten máis” e agradeceu “aos propios directivos da Escola de Hostalería de Foz que, coma sempre, se brindan a acoller estas actividades”.
Lucas Requejo, coordinador dos Menús Arte_Sans, foi o encargado de explicar o proxecto polo miúdo aos alumnos e alumnas do centro para que “coñezan en primicia un novo xeito de promocionar A Mariña, facendo uso da súa artesanía e tamén da gastronomía local”.
Dez restaurantes serán os encargados de amosar o traballo dos artesáns durante 5 semanas (dende o 18 de abril ata o 24 de maio) e tamén do seu propio traballo, xa que ofrecen os menús con produtos propios do mar e da terra servidos sobre a propia artesanía.
Os Menús Arte_Sans da Mancomunidade de Municipios da Mariña presentáronse nun acto que se desenvolveu o pasado 12 de marzo en Finca Galea, en Alfoz, e ao que asistiron hostaleiros, artesáns e autoridades.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
