NOTA DE PRENSA
Veiga denuncia que a modificación sanitaria que plantexa o PP afonda na discriminación da poboación da Mariña.
O BNG solicita o mantemento da área sanitaria da Costa
coas competencias de hoxe.
A principio do mes de Xullo, a Conselleira de Sanidade anunciou en Burela a creación dunha área sanitaria única para a provincia de Lugo, o que suporá a supresión da área norte de saúde, que abarca A Mariña, e a centralización da xestión hospitalaria en Lugo. As declaracións da Sra. Pilar Farjas provocaron unha grande preocupación na Comarca pois ao Hospital da Costa están asignados aproximadamente 72.000 persoas, distribuídos en 14 Concellos, que pasarían a ter como primeiro hospital de referencia ao Hospital de Lugo, a uns 100 Km do Burela e uns noventa minutos de desprazamento en coche. A maior afondamento a Xerente do Sergas, Rocío Mosquera, non dubidou en equiparar a área sanitaria como “unha integración de hospitais”.
Malia que a Consellaría non concretou o alcance desta proposta máis aló de consideracións xenéricas como “aumentar a eficiencia e a eficacia” ou “o reforzo de novas estratexias organizativas”ou precisamente por esa falla de concreción dados os antecedentes históricos que existen nesta área sanitaria, o que alarma o BNG, posto que suporía unha merma importante dos servizos sanitarios ofertados así como da calidade dos existentes.
A xuízo do Bloque Nacionalista Galego as consecuencias para a sanidade pública atinxirían tanto aos usuarios como aos profesionais sanitarios e a groso modo resúmese nos seguintes aspectos:
a)Unha xerencia ubicada na cidade de Lugo, quer pola distancia física, quer pola distancia da Mariña coa capital da provincia, implicaría unha dificultade para o acceso á mesma e descoñecemento de moitos problemas e eivas cotiás que xurdisen nos centros da actual area da Costa.
b)Unha xerencia ubicada en Lugo podería pór en cuestión investimentos previstos tanto nos centros de saúde como no propio Hospital da Costa. Neste sentido na Comarca da Mariña observase con preocupación que este novo modelo poña en risco a ampliación do Hospital da Costa, a implantación de novos servizos e especialidades así como a supresión de dotación no centro de saúde.
c)Unha xerencia única coa súa ubicación en Lugo e diante da escaseza de certos profesionais de certas especialidades médicas, implicaría desprazamentos constantes da poboación actual da área da costa á cidade. Tendo en conta a distancia xa sinalada, a situación das comunicacións, o tempo de viaxe e ausencia dun transporte público axeitado, eses desprazamentos implicarían unha grande perda da calidade de vida para a poboación afectada alén de teren que asumir os gastos de desprazamento e, no seu caso, de hospedaxe os propios usuarios o que supón unha discriminación con respecto a poboación doutras zonas.
d)A supresión da área sanitaria da Costa implicaría para os/as profesionais da saúde ter que optar a traballar en toda a provincia. Para o persoal eventual, tendo que inscribirse nas listas de contratación provinciais e tendo que aceptar contratos a máis de 100 Km do seu domicilio, baixo a amenza de penalización. Para o persoal fixo que accedera ao seu posto despois da publicación do Estatuto Marco e en base a mobilidade funcional, tendo enriba a espada de Damocles dun traslado forzoso a calquera lugar da provincia en calquera momento.
Por todos estes motivos, a supresión da área sanitaria da Costa, significaría ao ver do Bloque Nacionalista Galego unha merma na calidade asistencial que se lle presta á poboación da Mariña e non pode consumarse porque sería avanzar na desmantelamento de servizos da Mariña, particularmente nunha cuestión central como é a atención sanitaria. Xa por último Antonio Veiga considera que esta proposta do PP vai na liña de desmantelamento dos servizos públicos en coherencia cos políticas neoliberais do PP que foron os que a provocaron a actual crise económica.
Asemade segundo o Portavoz nacionalista o que fai e afondar no aumento da desigualdade entre os veciños de Lugo, posto que en función do lugar de residencia, críanse cidadáns de primeira e cidadás de segunda. Continua Veiga afirmando” que as consecuencias no emprego e na atención aos pacientes poden ser demoledoras” polo que agarda que a Consellaría de Sanidade de marcha atrás no anuncio da Conselleira se ben a mesma proposta xa foi formulada por Pilar Farjas no Salnés, no Barco, en Monforte e na Barbanza. Na mesma liña desde o BNG agardase un posicionamento claro do conxunto das forzas sociais e políticas da Mariña para evitar que se consume unha decisión que volvería a efectos prácticos ao noso sistema sanitario a principios dos anos oitenta.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
