A Mariña, 17 de abril de 2015. Dez establecementos hostaleiros ofrecen dende este sábado 18 de abril ata o domingo 24 de maio os Menús Arte_Sans, unha iniciativa da Mancomunidade de Municipios da Mariña na que participan tamén doce artesáns da comarca.
O obxectivo é “presentar unha Mariña feita de oficios artesáns e de gastronomía, unha mostra da tradición e da cultura que dan lugar á nosa forma de vida, para que se experimente de forma distinta e para gozala cos todos os sentidos”.
É a primeira vez que se leva adiante una iniciativa destas características na Mariña con doce artesáns que van poñer os seus traballos enriba da mesa e dez restaurantes que van servir eses menús nesas pezas únicas e diferentes en cada local. Con esta medida o que se pretende é contribuír á desestacionalización do turismo en tempada baixa.
No restaurante Area Grande, de O Vicedo, o menú está composto por nécora do Cantábrico, polbo con ameixas, sargo á grella, e requeixo con mel. Inclúe tamén augas minerais, viños branco e tinto Ribeira Sacra, café ou infusións. O prezo é de 35 euros.
O menú do restaurante Nito, de Viveiro, é: croquetas de xamón, vieira ao forno, pescada á galega e leite frito. Ademais inclúe augas minerais, viño branco Albariño, viño tinto Rioja, café ou infusións. O prezo é de 35 euros.
Tamén en Viveiro, o restaurante O Asador ofrece un menú con ensalada de navallas con verduriñas e mango, arroz caldoso de berberechos da ría, polbo e pataca á prancha con tapenade e emulsión de pemento, pescada do pincho de Celeiro con salteado de tallaríns e froitos do mar e torta de iogur e amorodos. Tamén inclúe augas minerais, viño branco albariño Quintela da Barca, viño tinto mencía Vía Romana, café ou infusións; todo por 35 euros.
No restaurante Río de Oro, de Espiñeirido (Cervo), o menú está composto por crema de mexillóns, bacallau con prebe de marisco, secreto de porco con prebe de amorodo e pataca ao forno e requeixo con mel. Inclúe tamén augas minerais, viño mencía Val de Quiroga, café ou infusións. O prezo é de 28 euros.
O menú do hotel Nordés, de Burela, é: aperitivo da casa; ourizo, mazá ácida e doce; as croquetas da casa; navalla, fume e limón; empanada de polbo e San Simón; pescada e choco; tacos de boi, pementos e pementa; e doces caseiro. Ademais inclúe augas minerais, viños mencía ou godello, café ou infusións. O prezo é de 35 euros.
O restaurante Casa Damián, de Foz, ofrece berberechos á prancha con crocante de algas, fabas de Lourenzá con lumbrigante caramelizado, bacallau morno con saba de ourizos e canutillos da avoa ás tres cremas. Inclúe tamén auga mineral, viño Albariño do Rosal Davila, viño Ribeiro Antonio Montero (de autor), café ou infusións. Ten un prezo de 35 euros.
No restaurante O Lar de Manolo, de Ribadeo o menú está composto por salpicón de peixe sapo e marisco do Cantábrico, suprema de pescada en mollo de ourizos, xarrete de tenreira galega con guarnición de verduras da horta e requeixo caseiro ao gusto. Tamén inclúe viño da Ribeira Sacra mencía ou godello, refrescos e auga; café ou infusións e chupito. Todo cun prezo de 25 euros.
O menú do Parador de Ribadeo é: táboa de queixo galego con marmelo, torrada de pan con sachichón de O Corgo, salpicón de maragota con vinagre de mazá, croquetón de lumbrigante, cuncha do peregrino gratinada, empanada de raxo, suprema de maruca rechea de navallas ao forno sobre cachelos e torta de iogur con prebe de amorodo e xeado de queixo do Cebreiro. Ademais inclúe augas minerais, viños Valdeorras branco e tinto, café ou infusións. O prezo é de 35 euros.
Tamén en Ribadeo, no Amodiño ofrecen un menú composto por cabala do Cantábrico afumada con tomate confitado, espagueti de mar e mollo de faba de Lourenzá; e bolsa rosa rechea de espinaca con queixo de San Simón da Costa e noces. Inclúe tamén augas minerais e viño Diego de Lemos, godello ou mencía. Ten un prezo de 4,5 euros.
E na Casa do Fidalgo, na Pontenova, hai un menú con emparedados de xamón, ensalada de bacallau e porros, niño de tenreira con guarnición de pementos e puré de pataca e sopa de chocolate branco con amorodos e xeado. Tamén inclúe viño de Chantada, refrescos e auga; café ou infusións e chupito. O prezo é de 20 euros.
Os doce artesáns que participan nesta iniciativa da Mancomunidade de Municipios da Mariña son Otero Regal (ceramista de Viveiro), Miriam (ceramista de Viveiro), Óscar Rodríguez (xoieiro de Viveiro), Francisco Fra (carpinteiro de Ribeira de San Cibrao), As Redeiras de Burela, Félix Paz (torneiro de Alfoz), Lucía Catuxo (ceramista de Trabada), José Rodil (navalleiro de A Pontenova), Regina (restauradora de Mondoñedo), Miguel Ángel (carpinteiro de Mondoñedo) e Pilar Maravalla (artista de Ribadeo).
Esta iniciativa conta cunha páxina web na dirección www.menusartesans.com.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
