En Cervo apareceu unha vez un home de pedra. Todo o mundo se quedaba abraiado ante semellante acontecemento, a aparición dun home de pedra, a xente achegábase a contemplalo, pero este permanecía impasible, non sentía nin frío nin calor, sen escrúpulos, carecía de sentimentos e nin o nordestazo de San Cibrao o espertaba.
O home farto desta situación, buscaba axuda, pero o tratamento era moi caro. En primeiro lugar embarcou na nave socialista, pero mareouse, na agrupación da rosa ou non atopou o tratamento, ou non llo quixeron facilitar.
En segundo lugar, embarcou na nave popular, esta sí que se amoldaba máis a él. O barco era máis acorde á súa vida, alí non facía nin frío nin calor, non hai sentimentos e poucos escrúpulos. O home de pedra prosperou, puxérono a soldo do armador, e foi cobrando cada vez un salario mellor, incluso lle puxeron un asesor para escribir o que as súas mans de pedra lle impedían.
Ao home de pedra, aplicáronlle numerosos tratamentos, pero nin sentía nin padecía. O último tratamento recibiuno no Parlamento Galego, nin máis nin menos que lle aplicaron o de Secretario da Mesa, alí xunto cos seus compañeiros puido aplicar políticas de empobrecemento masivo e engano colectivo. As súas accións carecían de sentimentos, xa que era de pedra, deixou á xente sen médicos, sen sanidade, sen servizos sociais, sen educación. Apoiou unha reforma laboral, e deixou aos traballadores sen dereitos. Él quería que todos foran coma él, que foran coma os seus, xente de pedra.
Un día chegaron a Compostela uns aguerridos viveirenses con problemas, xente con sentimentos, que teñen que loitar día a día para sobrevivir neste norte galego. Xente forte e seria, que defenden o futuro na propia terra. A uns poucos non lles deixou entrar. Él subiu á tribuna e quixo chorar para parecerse a eles, o home de pedra quixo ter sentimentos, pero non puido, non puido chorar.
Esta é a breve e indiferente historia do home de pedra, o señor Balseiro. Un deses políticos profesionais que tanto abondan no bipartidismo de PP e PSOE, xente para a que todo vale e amarrada ao seu posto, transtornada polo poder, expertos na evasión e na manipulación. Prefiren emporcar a vida política a asumir a súa responsabilidade. Xente que aínda falando claro e repetindo as cousas tres ou catro veces, nin queren, nin as logran entender.
Falareille claro, as súas liortas de patio de escola no Parlamento, e o uso partidista e dictatorial da cámara Galega xa as xulgará a cidadanía galega no seu momento. Con respecto a Vestas, o martes remata o prazo de negociación, vostedes agardaron ata o último día para “intentar mediar”, non fixeron nada, viñeron quitar a foto, e apoiaron a causa de forma hipócrita. Arrime o hombro Sr. Balseiro, póñase a traballar, consiga despidos cero en Vestas, e axude ao futuro de Viveiro e da Mariña. Se o consegue, serei o primeiro en darlle as grazas, no meu nome e no das veciñas e veciños que represento na Corporación Municipal de Viveiro. E se non o consegue, demostrará unha vez máis, que a pesar do paso dos anos, e dos tratamentos, segue a ser un home de pedra.
Bernardo Fraga.
Candidato á alcaldía de Viveiro polo BNG-Asembleas Abertas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
