NOTA DE PRENSA
O primeiro edil explica que desde maio de 2008 este señor reduciu a súa participación no accionariado da empresa pero antes e despois desta data continuou facturando ao Concello de Foz, pese a existir un evidente conflito de intereses
O ALCALDE DE FOZ RECOÑECE QUE O MARIDO DE ROSA ALONSO É PROPIETARIO DA EMPRESA QUE RECIBIU PRETO DE 40 MILLÓNS DAS ANTIGAS PESETAS EN CARTOS PROCEDENTES DAS ARCAS MUNICIPAIS
• Desde o PP insisten en que a Lei de Contratos do Sector Público prohibe que as administración contraten a empresas de membros do Equipo de Goberno ou dos seus cónxuxes. Malia claridade da norma o propio Alcalde recoñece sen rubor que tanto Rosa Alonso como o seu marido son accionistas desta empresa.
• Os populares estudan pedir á Secretaría municipal todos os informes pertinentes para analizar a legalidade destas prácticas, queren coñecer quen foi o órgano que contratou con esta empresa familiar e o montante total das facturas pagadas e pendentes.
A Mariña, 10 de agosto de 2009.- O Alcalde de Foz, Jose María García Ribera vén de confirmar que o marido de Rosa Alonso concelleira do Equipo de Goberno municipal é propietario dunha empresa que, segundo os datos dos que dispón o Grupo Popular facturou preto de 40 millóns das antigas pesetas en concepto de reparacións e mantemento do alumeado público. O primeiro edil confirmou as sospeitas dos populares que sabían da vinculación entre esta empresa familiar e o Concello de Foz, pese a que a Lei de Contratos do Sector Público establece dun xeito claro no seu artigo 49.1, letra f) que as administracións públicas teñen prohibido contratar con empresas de membros do Equipo de Goberno municipal ou dos seus cónxuxes.
Nun claro intento de botar balóns fóra e eximirse da súa responsabilidade o Alcalde de Foz xustifica os feitos en que desde maio de 2008 o marido de Rosa Alonso vendeu a maioría das súas participacións como copropietario da empresa Saiju limitando a súa titularidade ata tan só 9 accións. A esto hai que engadir que, segundo explicou o Alcalde, a propia Rosa Alonso sería titular tamén dunha acción desta empresa. En consecuencia os socialistas non foron capaces de desmentir que antes e despois desa data –maio de 2009- existiran vinculacións entre esta empresa e o concello, algo prohibido taxativamente por lei e eticamente reprochable. Os populares insisten que a doutrina da Xunta Consultiva de Contratación Administrativa –órgano dependente do Ministerio de Economía que interpreta a normativa vixente- establece dun xeito taxativo que non importa que a concelleira ou o seu marido teñan “o 1% da empresa ou o 99% das accións, en todo caso está prohibido que poidan verse favorecidas polos pagos efectuados desde o Concello no que é edil Rosa Alonso”
DEBER DE ABSTENCIÓN CANDO EXISTE INTERESE PERSOAL
Desde o Partido Popular están a estudar a petición de novos informes á Secretaría municipal, órgano de control xurídico da acción do Goberno local, para determinar a adecuación a dereito de todos estes comportamentos. En todo caso tamén reclamarán coñecer con exactitude cales foron os órganos ou o órgano –Xunta de Goberno local, concelleiros,…etc.- que encargaron os traballos de mantemento e reparación do alumeado público en favor da empresa familiar de Rosa Alonso por si estes feitos tamén puideran ser irregulares. Neste senso explican que a Lei 30/1992 que regulamenta o procedemento administrativo común establece no seu artigo 28 que as autoridades e cargos públicos se absterán de intervir naqueles procedementos nos que teñan algún tipo de interese persoal ou exista algún tipo de parentesco. O PP quere coñecer se Rosa Alonso puido ter decidido ou aprobado algunha das facturas que se estaban a abonar, con cartos públicos, en beneficio da empresa da que, segundo queda probado, é copropietaria ela mesma, o seu marido e unha terceira persoa.
RECLAMAR A INFORMACIÓN PERTINENTE
Finalmente os populares negan que exista algún tipo de acoso contra ningunha persoa. “Todo o contrario os prexudicados serían as veciñas e veciños deste concello que pagan dos seus petos os impostos cos que despois puidera estarse a favorecer a determinadas empresas ou persoas” En todo caso, insisten en que esperarán a coñecer toda a documentación para realizar xuízos de valor máis contundentes ou establecer as accións xudiciais que consideren oportunas para depurar as responsabilidades nas que puideran ter incorrido estas persoas.
Explican desde o PP que o que fan é reclamar a información e a documentación pertinente para comprobar se todo está feito conforme ao establecido na lei, que non existe polo tanto favoritismo para ningunha empresa, nin beneficio persoal de ningún membro da Corporación Municipal sobre todo tendo en conta que teñen o deber de xestionar o interese público. Finalmente, para coñecer con exactitude todos estes datos o PP pedirá coñecer o montante total das facturas pagadas e pendentes a favor da empresa familiar de Rosa Alonso.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
