Lourenzá, 30 de abril de 2015.- A alcaldesa de Lourenzá, Émma Álvarez Chao, mantivo unha reunión co responsable da Demarcación de Carreteras del Estado en Galicia, Ángel González del Río, na que abordaron a construción dunha conexión entre a estrada provincial LU-P-2802 e a Nacional 634 en Arroxo. Tamén falaron da necesidade de adoptar unha solución para evitar os desbordamentos do rego de Recimil a raíz da construción da autovía A-8.
A rexedora municipal explicou este xoves que se reuniu onte con Ángel González del Río e os temas que trataron foron “a unión da autovía A-8 dende a antiga Nacional 634 á nova N-634, en Arroxo; e o incremento do caudal do rego de Recimil a consecuencia das obras da autovía”.
Emma Álvarez especificou que “en relación á necesidade de construír unha rotonda ou un enlace en T en Arroxo, que uniría a estrada da Deputación 2802, que vai dende San Xorxe ata Arroxo, coa Nacional 634, faríase nuns terreos que a día de hoxe parte deles xa están expropiados polo Ministerio de Fomento. Segundo os informes que baralla o xefe da Demarcación de Carreteras, é necesario e óptimo facer este enlace, co cal contamos que, a esperas de que se faga o proxecto da obra e se saiba o custe económico da mesma, procederase a realizar por parte do Ministerio de Fomento”.
A alcaldesa engadiu que “sobre o incremento do caudal do rego de Recimil mantivemos unha reunión non só co xefe de Demarcación de Carreteras senón que estaba tamén o xerente de Augas de Galicia. E aí viuse que certamente podería ser non só cuestión de que se incrementara o caudal senón que agora a auga baixa máis rápido, ao estar toda canalizada. E quedamos en que o propio director de obra do Ministerio veña aquí, a Lourenzá, acompañado dos técnicos de Augas de Galicia que fixeron un informe no que apuntan á autovía como causante das inundacións, sobre todo das que houbo nas últimas riadas, que foron o 3 de decembro do ano pasado”.
Polo tanto a rexedora considera que “a reunión de onte foi moi positiva, non soamente por traer o compromiso de facer ese enlace da A-8, que xa no seu día manifestara o secretario general de Infraestructuras do Ministerio de Fomento, Manuel Niño, senón que ademais vaise estudar a problemática que temos cando chove en Lourenzá a consecuencia do incremento do caudal de auga do rego de Recimil. Nas últimas riadas inundáronse varias vivendas e a fábrica de mobles Hermida, co cal trataremos de buscar unha solución entre as tres partes (Concello, Augas de Galicia e Fomento) para que estes danos se poidan evitar”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
