LUGO, 7 DE MAIO DE 2015.- O Partido Socialista da provincia de Lugo afronta o inicio do período electoral para as municipais do 24 de maio cunha intensa actividade ao longo de todo o territorio provincial e cunha imaxe renovada da súa web.
Co pistoletazo de saída da campaña electoral ás 00:00 horas do 8 de maio, comezará a funcionar tamén nova imaxe da páxina do PSOE provincial á que todos aqueles que estean interesados poderán acceder a través da seguinte URL: http://psoeprovincialdelugo.com/.
A intención da executiva provincial é presentar unha web máis moderna e mellorar a accesibilidade da cidadanía á información que esta contén. Coa nova imaxe, identifícanse dun xeito máis sinxelo as diferentes zonas da estrutura da páxina, facéndoa máis navegable e, polo tanto, máis próxima á cidadanía.
Campaña de proximidade
Esta proximidade é o que busca o PSOE nesta campaña electoral, manifestación das propostas de goberno socialistas: abertas e transparentes, atendendo ás necesidades e demandas da cidadanía e favorecendo a súa participación na toma de decisións que incumben aos seus concellos como é o caso dos orzamentos participativos. Inclúe un planteamento de xestionar os recursos dun xeito eficaz, realista e equitativo, para que ningún cidadán ou cidadá se vexa prexudicado. En definitiva, os gobernos socialistas serán gobernos abertos a todos, que gobernan por e para todos os veciños e veciñas dos municipios, non como eses gobernos que soamente buscan o beneficio duns poucos.
Neste senso, o secretario Provincial –Juan Carlos González Santín- indica que as listas do PSOE dos municipios da provincia son unhas listas gañadoras, constituídas baixo a máxima da responsabilidade e compromiso de servir á cidadanía. Por iso, as candidaturas son unha representación da sociedade na que se presentan, coñecedoras dos problemas e necesidades que están a sufrir os seus conveciños e conveciñas e traballarán con esforzo e ilusión por darlles unha solución.
43% de renovación nas listas
Segundo manifestou González Santín,”estamos moi satisfeitos da constitución das listas nos 67 concellos da provincia que veñen a renovarse nun total de 29”. Neste senso, indicou que por partidos xudiciais a renovación foi a seguinte: Chantada nun 28´5%, A Fonsagrada nun 20%, Mondoñedo nun 61%, Monforte o 55´5%, Vilalba o 50% e Lugo o 31´81%”.
Ademais dos datos de renovación o secretario lembra que “para nós é importante cumprir coa paridade, e neste senso, o 32% das candidaturas da provincia están encabezadas por mulleres, unha delas, a de Trabada é a candidata de menor idade da provincia”, e engadiu “ o partido xudicial de Chantada é o que ten un maior índice de alcaldables femininas cun porcentaxe do 71 por cento, xa que dos 7 concellos que o compoñen, 5 candidatas son mulleres”.
“Gobernar para a Maioría”
Arranca así unha campaña electoral para “Gobernar para a Maioría” coa que os socialistas percorrerán a provincia de Este a Oeste e de Norte a Sur ao longo dos 15 días de duración e cunha media de 7 actos diarios nos que participa a executiva provincial, ao que hai que sumar os organizados por cada unha das agrupacións locais. O obxectivo é facer chegar as propostas do PSOE ao maior número de cidadáns para que coñezan que “outro xeito de gobernar é posible, sen recortes, sen inxustizas, sen discriminacións”.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
