Santiago, 13 de maio de 2015.- O Parlamento de Galicia aprobou este mércores, cos votos favorables do PP, PSOE e BNG, a iniciativa do Grupo Popular solicitando un incremento de ata as 30.000 toneladas do continxente de lombos de atún que a Unión Europea pode importar ao cero por cento de arancel.
O voceiro do Mar do Grupo Popular, Jose Manuel Balseiro, explicou que a iniciativa tiña por obxecto “apoiar as demandas formuladas pola industria conserveira galega, a través de ANFACO-CECOPESCA, representantes dun sector estratéxico desde o punto de vista económico e social xa que so en Galicia xera entorno a 12.000 empregos directos e representa o 2,8 por cento do Produto Interior Bruto”.
OS SINDICATOS DA CONSERVA A FAVOR
Os populares lamentaron que non fora posible aprobar a iniciativa por unanimidade ante a intransixencia de Alternativa Galega de Esquerda, que defendeu a supresión total deste continxente arancelario, empregando argumentos falsos como que suporía a destrución de empregos no sector.
Neste punto, o Grupo Popular lembrou que organizacións sindicais (como FITAG-UGT, maioritario no sector) defenden o aumento deste continxente e os beneficios que terá no ámbito laboral da conserva de lograrse un incremento do continxente arancelario de lombos de atún.
Desde o Grupo Popular se insiste en que o aumento deste continxente, que no anterior período se estableceu en 22.000 toneladas, evitará o desabastecemento das fábricas de conserva galegas e servirá como oportunidade para gañar en competitividade e valor engadido e ofrecer as condicións favorables para consolidar esta industria e o emprego a ela asociada.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
