20, maio, 2015.- O Presidente do PP de Lugo e voceiro do GPP no Senado, José Manuel Barreiro, pediulle ao Secretario Xeral dos socialistas galegos, José Ramón Gómez Besteiro, que sexa “coherente” co seu código ético e que “non engane aos votantes”.
Barreiro fixo estas declaracións nun mitin en Viveiro no que tamén participaron a Conselleira de Traballo e Benestar, Beatriz Mato, e o candidato do PP á alcaldía, Antonio Bouza Rodil. Barreiro destacou que Bouza Rodil é ou “único capaz de converter de novo ao concello nun referente na provincia e en Galicia”.
Na súa intervención, o Presidente do PP de Lugo insistiu en que José Ramón Gómez Besteiro debe “resolver as súas dúbidas”. “Primeiro, puntualizou José Manuel Barreiro, asegura que obrigará a Pachi Vázquez a dimitir se, finalmente, como parece, se lle abre un xuízo oral. E mentres, permítelle ao candidato imputado de Caldas de Reis presentarse ás eleccións”.
O voceiro do GPP no Senado recalcou que, unha vez máis, o secretario xeral dos socialistas galegos amosa “a flexibilidade do código ético do seu partido. Estírase –dixo- ata onde sexa necesario para que se poida presentar ás municipais o alcalde imputado de Caldas de Reis e semella que se vai contraer para deixar caer a un opositor incómodo como é Pachi Vázquez”. O líder dos populares en Lugo asegurou que “temos moita sorte de que Alberto Núñez Feijóo sexa o Presidente da Xunta. Imaxinen –puntualizou- que estaría pasando agora se no 2012 Pachi Vázquez gañara as eleccións: teríamos una presidente imputado e ao borde de sentarse no banquiño”.
Así mesmo, José Manuel Barreiro pediulle a Besteiro que aclare “antes das eleccións” cál será a decisión que vai tomar ao respecto da alcaldesa de Viviero, María Loureiro, á que a Audiencia de Lugo abrirá xuízo oral por presunta prevaricación. “Non hai ningunha dúbida –dixo Barreiro- de que no PSdeG pesan máis os cálculos electorais ca o compromiso ético que esgrimen de portas para afora”.
NON É O MOMENTO DE EXPERIMENTOS
O Presidente provincial do PP pediulle a tódolos cidadáns que voten ao Partido Popular porque “non é o momento de experimentos”. “Agora que pasamos o peor, e despois dos esforzos de todos os cidadáns, –afirmou- o máis importante é perseverar nunha política que xere recursos e crecemento, todo o demais é demagoxia”.
José Manuel Barreiro explicou que o vindeiro domingo “non se trata de dar un voto de confianza ou de castigo”, senón de “votar pensando no que queremos para os nosos fillos, para as nosas familias, os nosos amigos, os nosos maiores”. Barreiro recalcou que “mentres outros falan, o PP actúa” e asegurou que o Partido Popular “baixou e baixará aínda máis os impostos” porque “xa podemos facelo, grazas á política económica eficaz iniciada por Rajoy e materializada en todos en cada un dos concellos populares que nos permitiu saír da crise”.
Antes de visitar Viveiro, José Manuel Barreiro e Beatriz Mato participaron noutro mitin en Foz no que apoiaron ao candidato do partido, Javier Jorge Castiñeira. Barreiro amosouse convencido de que os veciños volverán a outorgarlle a confianza a Jorge Castiñeira pola súa “capacidade de traballo, disposición e compromiso co seu municipio”.
Nunha vila que vive fundamentalmente do mar, o Presidente do PP de Lugo destacou que os Gobernos do PSOE marxinan “as vilas mariñeiras”. Lembrou que Zapatero “non fixo nada ante unha reforma pesqueira que supuña a desaparición do 40% da flota comunitaria. Pola contra –explicou- Rajoy asinou xa tres acordos pesqueiros, aumentando un 13,7% a cota”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
