Os membros da candidatura do BNG-Asembleas Abertas percorreron durante a
campaña electoral todo o Concello de Xove para trasladarlles aos veciños,
de primeira man, as actuacións que levarán adiante nas áreas do emprego, o
benestar, a formación, a cultura, o deporte, a ordenación urbana e o medio
natural.
Desde o Bloque comprometéronse a poñer en marcha un Viveiro de Empresas profesional ligado ao Polígono Industrial de Camba, a lograr a reactivación de prazas hoteleiras, a potenciar os contratos indefinidos nas axudas municipais e mais a crear un cámping e unha área de autocaravanas.
Dentro destas xornadas dedicadas a percorrer todos e cada un dos domicilios do concello, Marco López propuxo a creación dunha liña de transporte para actividades deportivas e culturais, a creación dun Centro de Día, a dinamización dos centros sociais, un Servizo de Conciliación Familiar con canguros e acompañamento, unha zona de xogos cuberta e mais a sinatura dun convenio cunha empresa do sector para eliminar as humidades
nos fogares.
O candidato do Bloque á alcaldía asegurou que “levamos moito tempo
traballando como unha forza con vocación de goberno, estudando a diario as
medidas políticas que se poden levar a cabo para conseguir unha solución
aos problemas reais do municipio”.
No eido da formación, os nacionalistas propuxeron a creación tanto do Ciclo Medio de Aproveitamento e Conservación do Medio Natural como do Ciclo Superior de Xestión Forestal. Asemade, no campo da cultura e o deporte, anunciaron a creación dunha pista de andadura ecuestre, a
recuperación de actividades náuticas, a habilitación dunha aula exclusiva para o xadrez e un asesoramento profesional no ximnasio.
Marco López trasladoulle á cidadanía o “compromiso do BNG con todos os
veciños” e visitou un a un todos os fogares do municipio para explicarlle á cidadanía as accións que, de gobernar, poñerán en marcha para superar a
actual parálise do goberno municipal.
Desde o BNG tamén se comprometeron a promover a modernización do concello
mediante a tramitación dun Plan Xeral de Infraestruturas, a mellora
inmediata da rede viaria e a reordenación do tráfico no cruce da
Rigueira.
Como últimas novidades entre os puntos fundamentais que o BNG desenvolveu,
propuxeron un roteiro etnográfico do litoral (dolos, Baleeira de Morás,
San Tirso, Modias, Coto da Vela, Ceranzos, Coído), a limpeza dos cauces
fluviais, un plan de aproveitamento forestal e, por último, a adecuación
das instalacións para o acollemento de animais abandonados.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
