Burela, 21 de Maio de 2015. Os nacionalistas seguen a traballar arreo neste tempo eleitoral, sempre do lado das veciñas e dos veciños. Para esta semana final da campaña, os membros da candidatura do BNG-AA teñen previsto pasar polo comercio local, obxectivo dunha boa parte das súas propostas.
Sen ir mais lonxe, na mañá deste martes o equipo do BNG estivo coa xente do Mar nas instalacións de ABSA e tamén na zona en torno á Praza da Mariña e ata chegar ó barrio dos Castros, nunhas rúas cunha gran cantidade de establecementos comerciais, mostrándolles o seu apoio e dandolles a coñecer as súas iniciativas. “A acollida tanto na zona portuaria como na zona urbana foi moi boa; aínda que o descontento cos actuais rexedores do concello é grande, a xente da rúa e do mar agradece que os representantes políticos nos acerquemos a eles e no noso caso relacionámonos de igual a igual coa veciñanza, posto que é o xeito que nos parece máis xusto e mais humilde para escoitar as súas demandas e queixas” engadiu Mario Pillado.
O mércores os nacionalistas acometeron toda a lonxitude da avenida Arcadio Pardiñas e as rúas que desembocan na mesma, tendo en conta que nesa vía se engloban moitas localizacións comerciais de moi variado tipo e que se viron moi perxudicados por medidas como o apagado selectivo do alumeado público durante a última lexislatura.
Este xoves pasaranse pola avenida da Mariña, ó son do paseo marítimo na súa zona mais urbana, chegando ata os talleres que sirven ó porto, cubrindo así un enclave bastante atractivo, pero como todo o resto do sector, tamén arrastra diversas problemáticas e carencias, derivadas da falla de política turística que padeceron durante os catro pasados anos.
A intención da candidatura nacionalista é tentar chegar a todos os comerciantes e autónomos, posto que son parte fundamental do seu programa, como motor da vila e creadores de emprego.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
