Bruxelas, 29 Maio 2015. Nesta semana a eurodeputada de Alternativa Galega de Esquerda en Europa (AGEe), Lídia Senra, remitiu unha comunicación ao Comisario de Agricultura e Desenvolvemento Rural da Unión Europea, Phil Hogan, trasladándolle un manifesto asinado por 51 eurodeputadas/os de todos os grupos políticos en demanda da finalización de “todas as axudas destinadas ás touradas e á industria xerada ao redor dun espectáculo baseado no maltrato e na violencia sobre os animais”.
Senra, impulsora desta iniciativa xunto á plataforma “Galicia, Mellor Sen Touradas” e a Fundación Franz Weber, valora que a acollida que este manifesto tivo entre as eurodeputadas/os “é unha boa mostra de que a conciencia e o rexeitamento á violencia e á tortura que supoñen as touradas vai alén de posicionamentos políticos”.
O texto foi subscrito tanto por deputadas do Grupo da Esquerda Europea-Esquerda Verde Nórdica (GUE/NGL) -no que Alternativa Galega de Esquerda (AGEe) está integrada-, como do Grupo dos Verdes-Alianza Libre Europea (Verdes/ALE), o Grupo da Alianza dos Liberais e Demócratas por Europa (ALDE), o Grupo dos Conservadores y Reformistas Europeos (ECR), o Grupo Europa da Liberdade e da Democracia Directa (EFDD), os socialistas europeos aglutinados no Grupo da Alianza Progresista de Socialistas y Demócratas (S&D) e mesmo o Partido Popular Europeo (PPE).
Estas 51 eurodeputadas/os critican as altísimas subvencións da UE a esta espectacularización da tortura animal -que superan os 130.000€ e inclúen mesmo fondos proporcionados a través da Política Agraria Común (PAC)-, e chaman especialmente a atención sobre o feito de que este posicionamento por parte das institucións europeas é contrario “ás esixencias en materia de benestar dos animais, como seres sensibles, na formulación e aplicación das políticas comunitarias en diversos eidos recollidas no
Tratado de Lisboa
“É vergoñenta a actitude do PPdG opoñéndose esta semana no Parlamento Galego á prohibición das touradas para poder seguir financiando a un lobby que, só tomando datos da cidade da Coruña, fíxose xa con máis de 700.000€ de cartos públicos dende o ano 2011, mentras a cidadanía está a pasar verdadeiras necesidades”, criticou a eurodeputada galega.
Porén, dende AGEe, “temos claro que finalmente a sociedade acadará a prohibición das touradas, e na Galiza agardamos que se dea máis logo que tarde” -sinalou esperanzada Senra-, “xa que, ademais de que constitúen a imposición dun espectáculo violento, son totalmente alleas á nosa cultura”. Neste senso, abondou “pensamos que os cambios que se deron nas recentes eleccións municipais van axudar a avanzarmos neste camiño. Mentras tanto, dende a nosa presenza nas institucións europeas seguiremos facendo todo o posíbel para poñermos de manifesto que ‘a tortura non é arte nin cultura’.
A eurodeputada de AGEe remitirá hoxe mesmo este manifesto tamén á vicepresidenta da Comisión Europea, Kristalina Georgieva, na súa calidade de Comisaria Europea de Programación Financieira e Orzamentos Europeos.
Alternativa Galega de Esquerda en Europa (AGEe) rexistrou xa en novembro do pasado ano 2014 dúas preguntas parlamentarias dirixidas á Comisión Europea ao respeito do Emprego de fondos da PAC para subvencionar elementos da tauromaquia e do Emprego de técnicas publicitarias para promover as touradas entre menores de idade.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
