Lugo, 9 de xuño de 2015.- Os Xulgados de Paz son de responsabilidade municipal e, en consecuencia, a Xunta de Galicia non ten competencias para abordar ningunha reparación das instalacións, como así queda recollido no artigo 51 da Lei 38/1988, de 28 de decembro, de Demarcación e Planta Xudicial.
Tampouco é cometido da Consellería de Presidencia, Administracións Públicas e Xustiza proporcionar estanterías, armarios ou outro tipo de mobiliario.
A mencionada Lei de Demarcación e Planta Xudicial si obriga á Xunta a aportar unha determinada cantidade económica, en función da poboación do municipio do que se trate, en concepto de subvención para sufragar os gastos que se deriven do seu funcionamento, así como pagar os salarios dos funcionarios que neles traballen.
Así, no caso concreto do Xulgado de Paz de Ribadeo, por poñer un exemplo, a media de gastos anuais asumidos pola Xunta de Galicia, en base as competencias que lle son propias, superan os 80.000 euros.
Algo máis de 66.000 euros dese montante global adícase a gastos de persoal, que son asumidos pola Consellería de Presidencia, Administración Pública e Xustiza. Dado que a poboación de dereito de Ribadeo é superior aos 7.000 habitantes, o Xulgado de Paz está atendido por un funcionario do corpo de xestión e outro do corpo de auxilio xudicial.
No que atinxe ás instalación e medios materias precisos para o funcionamento deste xulgado e tras recalcar que a titularidade é municipal, hai que salientar que o equipamento tecnolóxico foi subministrado pola Axencia para a Modernización Tecnolóxica de Galicia (AMTEGA) da Xunta, que tamén se ocupa do seu mantemento, cun custo próximo aos 6.000 euros anuais.
A maiores, a Secretaría Xeral Técnica da Vicepresidencia e Consellería de Presidencia, Administracións Públicas e Xustiza asume o pago do servizo de limpeza e o subministro de enerxía eléctrica, que se cuantifica en máis de 4.500 euros por ano.
As comunicacións telefónicas tamén corren por conta da Xunta, que, ademais, por mor do artigo 52 da citada Lei de Demarcación e Planta Xudicial establecese unha subvención aos concellos para o mantemento dos xulgado de paz, que se modula en función do número de habitantes de dereito dos concellos e que no caso de Ribadeo ascende a preto de 3.300 euros anuais.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
