Alfoz, 12 de xuño de 2015.- Ante a celebración da sesión constitutiva da nova corporación do Concello de Alfoz e a elección de Alcalde fixada para este sábado 13 de xuño ás 12 horas, as agrupacións do PSdeG-PSOE de Alfoz e a de Veciños Independentes de Alfoz (VIA), fan público este comunicado conxunto onde dan a coñecer o acordo asinado entre os membros electos das dúas formacións, subscrito ca intención de dotar a Alfoz dun goberno estable para a nova lexislatura. O documento asinados contén as seguintes cuestións:
1. Investidura.
As agrupacións asinantes respaldarán coas súas actas a Jorge Val Díaz como alcalde de Alfoz na toma de posesión a celebrar o vindeiro día 13 de Xuño de 2015.
2. Programa de goberno.
O PSdeG-PSOE de Alfoz e Veciños Independentes de Alfoz (VIA), seguirán un programa de goberno no que se respecten os programas electorais de ambas agrupacións, sendo prioritarias aquelas cuestións comúns en ambos.
3. Esquema de goberno.
O goberno estará dividido nas áreas de Réxime Interior e Servizos, asumida polo alcalde Jorge Val Díaz, á que pertencerá o servizo de atención cidadá; Desenvolvemento Local, que incluirá a area de Cultura, asumida por Xabier Pardiñas Suárez; Educación e Xuventude, que incluirá a area de Formación, asumida por Maria Carmen Hermida Vizoso; Benestar Social, asumida por Carmen Dolores Geada Maseda; e Medio Ambiente e Medio Rural, asumida por Cándido Paleo Rejes.
4. Dedicacións e asignacións dos membros do goberno.
Á parte da dedicación do Alcalde, propia da súa función, existirá unha dedicación parcial por parte do Tenente Alcalde. As asignacións por dedicación así como as indemnizacións por razón de servizo dos membros do goberno serán aprobadas antes do pleno de aprobación da organización e funcionamento do goberno.
Os membros de PSdeG-PSOE e VIA chegan a este acordo coa intención de traballar polos intereses dos veciños e veciñas de Alfoz. Por outra parte agradecen a predisposición mostrada polo actual goberno para facilitar o traspaso de poderes de forma que se realice de forma rápida e exemplar.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
