15 de xuño de 2015.- Son moitos os obxectivos alcanzados coa realización este martes de dúas actividades que sen lugar a dúbida non deixarán a ninguén impasible… a primeira delas é a participación nunha excursión a León; concretamente viaxarán ao Bosque dos Soños un total de 5 usuarios acompañados dun monitor durante os próximos 4 días que dura a viaxe. Viaxe organizada por Feafes Galicia, e no que participan outras entidades: Porta Nova, Alume, Lenda, Doa, Andaina, Albores e Apem.
Entre outras actividades terán unha visita guiada polas Médulas tambien por Molinaseca, que está declarado Conxunto Histórico (Ben de interese Cultural), un pobo de aspecto medieval e con grande atractivo para peregrinos e visitantes.
Tambien visitarán en Ponferrada o Castelo Templario, o Museo da Radio de Luis del Olmo e o Museo da Enerxía, entre outros.
Así mesmo, outros 30 usuarios dos distintos Centros celebrarán o día mundial dos océanos, este martes, poñendo o seu grauíño de area na axuda co coidado do medioambiente, limpando as praias de Burela, acompañados cos organizadores, o Grupo Ambiental, Gaia.
Así, este martes será un día moi especial e diferente para a maior parte de persoas con enfermidade mental crónica que realizan actividades de rehabilitación psicosocial en calquera dos dispositivos complementarios de atención, é dicir, centros, piso protexido ou Unidade Residencial, dos que dispón a Asociación de Axuda ou Enfermo Mental “A Mariña”.
Con actividades coma esta ofrecen aos seus usuarios unha oportunidade de convivir en grupo e coñecer novos lugares e xente; estas actividades teñen por suposto un claro carácter lúdico ofrecendo un espazo e tempo de ocio tan necesarios para obter unha boa calidade de vida para os usuarios; misión principal que destaca a súa Directora Técnica Xeral de todos os Dispositivos de “A Mariña”.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
