Santiago, 17 de xuño de 2015.- O Parlamento de Galicia vén de aprobar a iniciativa do Grupo Popular para que as pequenas e medianas empresas (PEMES) do sector da conserva en Galicia sexan consideradas destinatarias preferentes das axudas europeas.
O voceiro do Mar do Grupo Popular, Jose Manuel Balseiro explica que o acordo final insta a incluír no programa de desenvolvemento do novo Fondo Europeo Marítimo e da Pesca (FEMP), que estará en vigor ata o ano 2020, medidas específicas destinadas a financiar a modernización e internacionalización das empresas dedicadas á transformación dos produtos da pesca e do marisqueo.
Os populares sinalan que, pola súa maior dificultade de acceso a financiamento, ás empresas máis pequenas da conserva galega teñen que recibir con maior intensidade os apoios da Xunta, con cargo aos fondos europeos dispoñibles, e contar así co respaldo necesario para ganar en competitividade o achegar maior valor engadido á transformación dos produtos do mar.
PSOE e EU incoherentes
Os populares lamentaron unha vez máis a falta de sensibilidade das forzas da oposición que volven a dar as costas a unha iniciativa en beneficio do sector e pactada coas propias conserveiras e sinalan o comportamento contraditorio de PSOE e EU (integrada en AGE) que en Santiago votan en contra dunha iniciativa moi similar a que se formulou no Congreso dos Deputados e contou co apoio unánime de todas as forzas políticas.
Balseiro quixo lembrar a importancia de apostar por un sector -o da transformación e comercialización dos produtos do mar- que só en Galicia xera entorno a 12.200 postos de traballo directos (máis do 80% do total estatal) e que ademais foi quen, a pesar da crise, de aumentar as súas exportacións no último ano case un 7% lideradas pola conserva de atún, lura e sepia.
Etiquetaxe
A iniciativa contou co voto en contra de AGE e BNG que rexistrou unha emenda para engadir ao acordo final unha proposta sobre a obrigada inclusión da etiquetaxe de orixe. Desde o PP lembraron que no día de onte a Consellería acordou co sector crear un grupo de traballo para estudar os efectos do novo etiquetaxe europeo e o lóxico é esperar as súas conclusións e recomendacións.
Con todo, desde o PP defenden que o propio conserveiro galego segue a ser o máis interesado en vender o produto identificándoo como galego e que, que ninguén vai a omitir esta información. Pola contra se a etiquetan como galego e non o é incorren en fraude. Lembraron tamén que hoxe o propio artigo 42.2 da OMC mantén a referencia as normativas comunitarias que esixen que no caso concreto das conservas figure a trazabilidade, falamos dun aspecto de obrigado cumprimento.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
