Santiago, 8 de xullo de 2015.- A Praia das Catedrais recibiu un total de 13.011 persoas durante a primeira semana de funcionamento do sistema de regulación do acceso previsto no Plan de conservación do Monumento Natural. De acordo cos datos rexistrados pola Consellería de Medio Ambiente, Territorio e Infraestruturas, unha ampla maioría dos visitantes, o 73%, dispoñían dunha autorización previa para acceder a este espazo protexido situado no concello de Ribadeo.
De acordo co sistema de ordenación previsto, durante os meses de xullo, agosto e setembro e na Semana Santa, poden acceder ao Monumento Natural un máximo de 4.812 persoas cada día. Os interesados en facelo poden conseguir o seu pase a través da plataforma web https://ascatedrais.xunta.es e poden acceder directamente acreditando que pernoctaron nun establecemento de Ribadeo ou accedendo directamente ao areal presentando o billete de autobús.
Neste período (desde o 1 de xullo) o día de maior afluencia foi o sábado 4 de xullo, con 2.439 persoas, no que a porcentaxe de autorizacións previas situouse no 79%, tan só superado polo dato rexistrado no primeiro día de aplicación do sistema de regulación, no que esta porcentaxe alcanzou o 81%.
Cabe salientar que as medidas previstas para o fomento do transporte colectivo tamén están a resultar efectivas, dado que os usuarios do autobús procedente de Ribadeo poden acceder ao Monumento Natural só presentando o billete. Unhas 165 persoas ao día poden beneficiarse deste sistema a través dun dos tres servizos de ida e volta que presta cada xornada a empresa Eocar de acordo co horario das mareas.
En relación aos visitantes que accederon ao Monumento Natural acreditando ter pernoctado nalgún establecemento de Ribadeo, as cifras ascenden a un total de 526 persoas -129 no sábado 4 de xullo-. Estas persoas beneficiáronse dunha medida específica encamiñada a favorecer a economía local e promover un turismo sustentable.
Autorización sinxela e gratuíta
Cómpre lembrar que o sistema de acceso previsto consiste simplemente na obtención dunha autorización gratuíta, que pode descargarse a través da aplicación web https://ascatedrais.xunta.es, e que ademais lle dá cumprida información do horario das mareas para cada día (recoméndase visitar o monumento desde dúas horas antes da marea baixa e ata dúas horas despois), como o número de autorizacións dispoñibles para cada día.
Nos próximos días realizaranse cambios na web de reservas co obxectivo de responder ás necesidades das axencias de viaxes, que poderán acceder a través de usuarios personalizados e reservar autorizacións con ata 3 meses de antelación e para un máximo de 70 persoas por solicitude.
Así mesmo, e de cara ao público en xeral, os días dispoñibles para facer as solicitudes ampliaranse de 15 a 30 para favorecer aínda máis a planificación da viaxe.
Con estas actuacións a Xunta cumpre co seu compromiso de conservar o espazo protexido ordenando o acceso, dado o importante impacto que estaba a supoñer unha afluencia masiva de visitantes de forma desordenada e moi concentrada no tempo. Estas medidas tamén redundan na posta en valor do espazo e na desestacionalización cunha clara aposta pola economía local e comarcal, tal e como establece o recentemente aprobado Plan de conservación.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
