Lourenzá, a 17 de xullo do 2015.- O equipo socialista no Concello de Lourenzá tivo que celebrar ata dous plenos para poñer a andar o traballo de goberno municipal. Fixeron falta dous convocatorias plenarias para levar adiante trámites moi sinxelos, que outros concellos realizan dunha soa vez, e que inclúen aspectos tan básicos como dar conta do nomeamento dos Tenentes de Alcalde ou delegar as áreas de goberno.
No caso de Lourenzá ao PSOE levoulles facelo máis dun mes, polo que dende a oposición agardan que sexan máis áxiles na toma de futuras decisións municipais.
A primeira das convocatorias tivo lugar o 17 de xuño, pleno celebrado con carácter de extraordinario o co único punto de día da fixación do salario da Alcaldesa. Desde o PP cren que, naquela ocasión ben puido esperarse un tempo e tratar todos os temas de organización conxuntamente un mesmo día, xa que logo a desidia e pasotismo manifestada polo PSOE supúxolle as arcas municipais un malgasto innecesario, que cifran en 770 euros en dietas para os 11 concelleiros da Corporación (o que ben pode ser o salario mensual de moitos traballadores)
DAR PARTICIPACIÓN Á OPOSICIÓN
Noutro orden de cousas, dende as filas populares propuxeron que a oposición formara parte nos órganos colexiados tales como a Mancomunidade de municipios ou o GDR, ao igual que fan outros concellos da Mariña. “Pero o que se define o goberno amigo, o goberno do progreso e da transparencia impediuno” baixo a escusa de que tampouco participaban antes os grupos da oposición nestes órganos.
A portavoz popular, Emma Alvarez, recordoulle aos socialistas que cando o PP gobernaba “os daquela partidos da oposición en ningún momento manifestaron intención de formar parte de ningún destes órganos, amais, agora tócalles gobernar a eles, e, en campaña prometeron gobernar para todos, o que non se corresponde con esta actitude de impedir a pluralidade política e vetar a presenza popular nun órgano como a Mancomunidade, impedindo que todos os veciños se sintan representados.”
VETO Á MOCIÓN DE URXENCIA
Por último, o grupo municipal do Partido Popular manifestou o seu desacordo e malestar por non incluír na orde do día deste pleno a moción rexistrada polos populares relativa a promover a exposición de Paulino Pérez.
Dixo a portavoz popular “Ben é certo que o ROF non obriga a incluír na Orde do día dun Pleno Extraordinario mocións, máis, non hai ningún impedimento legal para facelo, o que demostra que a man que tenderon á oposición no pleno de investidura era só de boquilla, e máis aínda se temos en conta que propuxemos debater a moción como urxente, e non foron quen de nin tan sequiera votar a urxencia da mesma, que estaba motivada polo feito de que o vindeiro pleno ordinario será o 19 de setembro e, dende este grupo entendemos que o programa da Festa da Faba a esas alturas, xa estará pechado”.
Engadiu Álvarez Chao que “os populares non comulgamos con rodas de muíño e, non aceptamos desculpas sen fundamento de que nun pleno extraordinario non se poden debater mocións urxentes, xa que o ROF no seu artigo 82.3 di literalmente: <
A vista disto, a moción non foi debatida por que a Sra. Alcaldesa non tivo vontade de facelo, vetando toda posibilidade de estudala. Bastaría con votar a urxencia, votar a inclusión na orde do día e posteriormente debatela. “Algo sinxelo que o equipo de goberno non entendeu, unha mágoa, pero, o Partido Popular non vai renderse e buscaremos outras fórmulas para dar a coñecer a obra do noso veciño Paulino Pérez”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
