Ribadeo, 27 de xullo de 2015.- O Concello acollerá este luns unha sesión plenaria extraordinaria a partir das 20.30 horas. A orde do día está composta de catro puntos: a modificación do Plan Económico-Financeiro derivado da liquidación do orzamento xeral do exercicio 2014; a dación de conta do Informe Trimestral sobre o período medio de pagamento a provedores; a dación de conta do informe sobre o cumprimento de prazo da lei 15/2010 de 5 de xullo e unha moción do BNG en defensa do sector lácteo galego.
O alcalde de Ribadeo, Fernando Suárez, destacou especialmente a moción dos nacionalistas sobre a situación que atravesa a gandaría de leite: “especialmente hai un punto que queremos levar adiante, que é unha moción que presenta o grupo municipal do BNG sobre a situación do sector lácteo en Galicia, especialmente na Mariña e singularmente no que nos afecta a nós, en Ribadeo. O que pretendemos é que a posición do pleno se pronuncie a favor de demandar da Xunta e do goberno estatal medidas para cubrir esta inxustiza histórica da situación do agro e do leite, e ao mesmo tempo, pedir explicacións de por que en calquera outro punto do Estado se paga máis o leite do que se paga en Galicia. Sabemos que a posición do pleno non será determinante para resolver ese problema, pero se outros concellos coma Ribadeo acaban facendo o mesmo o goberno galego e do Estado terán que actuar dunha maneira efectiva”.
Na orde do día tamén están o informe sobre o prazo medio de pago a provedores e unha modificación do Plan Económico- Financeiro: “temos que dar conta desas normativas existentes sobre o tempo medio de pago aos provedores, que se debe facer de maneira trimestral, e onde se reflexa que a situación do período medio de espera está moi por debaixo do que marca a lei. Son 17 días dende que se aproban as facturas e hai 30 días para aprobalas, así que 47 días é o tempo medio de pagamento aos provedores. É algo que está absolutamente dentro da norma e mesmo por debaixo”.
Por último, Suárez Barcia tamén explicou o cambio no Plan Económico- Financeiro que someterá a aprobación do pleno: “é unha modificación por mor dun pequeno desaxuste debido dunha cuestión puramente técnica: no exercicio anterior investiuse máis do que a regra de gasto permite. Non se fixo sabendo que incumpría a norma, senón que se usaron as garantías que se incautaron para continuar as obras do pavillón polideportivo, dado que aquela primeira empresa quebrou e esas garantías, como proveñen dunha institución privada, non pública, non entran no que ten que ver coa regra de gasto. É necesario explicalo, aprobalo no pleno e envialo ao Ministerio para que o teña en conta. Non ten máis cuestión, é unha cousa ordinaria”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
