Lugo, 28 de xullo de 2015.- O Grupo Provincial do BNG na Deputación de Lugo reclamou mediante unha moción a debate no pleno deste martes, solucións ás graves deficiencias das infraestruturas viarias de competencia estatal que serven de entrada ou saída e vertebran a comarca da Mariña. Antonio Veiga Outeiro, portavoz do GPBNG na Deputación, esixe rematar coas promesas e ver feitos que permitan mellorar o firme das estradas N642 e N634, prazos de execución e dotación orzamentaria para 2016 nos orzamentos do Estado para solucionar de maneira definitiva os constantes peches por néboa da A8 no tramo do Fiouco e a mesma petición para a autovía Barreiros – San Cibrao pendente de redacción do proxecto construtivo.
Para o BNG o Ministerio de Fomento está dando largas e adiando solucións aos múltiples problemas existentes nas infraestruturas viarias da comarca, pouco importa se goberna o PSOE ou o PP, existen demandas históricas que seguen sen solución tanto nas vías convencionais como nas autovías, porque de nada valen centos de millóns invertidos na A8 cando pecha durante semanas enteiras e a autovía entre Barreiros e San Cibrao so existe no papel e nin sequera está completada a súa tramitación administrativa.
O portavoz do GPBNG, o mariñao Antonio Veiga, argumenta que o bloqueo das solucións demandadas tamén supón o bloqueo do desenvolvemento económico da comarca que a pesar da crise, segue sendo contando cun importante dinamismo económico cun 33% do PIB provincial polo seu potencial industrial, pesqueiro, gandeiro ou forestal cuns sectores puxantes que precisan de medios para avanzar.
Veiga asegura que as necesidades que ten neste momento a Comarca da Mariña en infraestruturas viarias son unha demanda que o Ministerio de Fomento non pode eludir na parte que lle corresponde. Resolver os problemas de seguridade na A-8, mellorar e acondicionar as estradas N-634 e N-642 , construír a Autovía Barreiros – San Cibrao …, son actuacións básicas e fundamentais para favorecer e asegurar o desenvolvemento presente e futuro desta importante comarca do norte de Galiza.
A formación nacionalista reclama que o ente provincial se dirixa ao Ministerio de Fomento para que “incremente nos vindeiros orzamentos do Estado as partidas económicas para a reparación do firme das estradas N634 e N642 así como definir e acelerar os prazos de execución das citadas obras”. Ademais pide acurtar os prazos anunciados nas previsións de mellora da A8 no Alto do Fiouco que acabe cos continuos cortes, redacción e exposición publica do Proxecto Construtivo da autovía San Cibrao – Barreiros e dotación orzamentaria para ambas actuacións nos orzamentos 2016 e seguintes do Ministerio de Fomento.
O GPBNG pídelle ao PP provincial menos demagoxia e mais sensibilidade en relación aos desafiuzamentos
En relación á moción do Partido Popular instando á Deputación a que modifique o a ordenanza xeral de recadación de impostos transferidos dos concellos onde se propoñía, entre outras, unha modificación para evitar desafiuzamentos por débedas tributarias en primeiras vivendas, o portavoz nacionalista reclamou do goberno provincial que non use a demagoxia nun tema tan grave como este, “nunca mentres o BNG estivo no goberno provincial se chegou a ao límite de embargar ningunha vivenda habitual, nin sequera a ningún embargo xa que sempre se buscou a negociación e alargar prazos para o pago dos impostos en período executivo”.
Antonio Veiga explicou que o BNG presentou unha emenda para o que o grupo de goberno, “goberne levando a pleno unha modificación da ordenanza si é que quere facelo e deixe de tratar de enganar á xente con mocións demagóxicas que non teñen ningún sentido práctico”. Desde logo, afirmou o nacionalista, “non vai ser o Partido Popular quen veña dando clases ao BNG sobre a defensa das persoas desafiuzadas coa traxectoria que ten o BNG neste sentido, dentro e fora das institucións”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
