Foz, 31 de xullo de 2015.- O alcalde de Foz presidiu este xoves a presentación da V Festa Normanda de Foz, que se celebrará os días 28,29 e 30 de agosto. Seguida dunha exhibición de batukada e dun desfile de traxes, o acto xuntou no Campo da Cabana a numerosos veciños e visitantes.
“A asistencia de público foi moi alta, máis de 300 persoas se presentaron para ver ese desfile de roupa normanda e de campesiño e para dar inicio á Festa Normanda, que será os días 28, 29 e 30 de agosto. Estamos moi contentos coa organización e coas expectativas que xera este evento. A Festa Normanda xa é unha referencia na Mariña neste tipo de festas de recreación histórica. A verdade é que o Concello de Foz está tremendamente activo e proba disto é tamén o programa que temos para esta fin de semana”, indicou o rexedor municipal.
Ademais de facer balance do primeiro aperitivo da Festa Normanda, o alcalde tamén adiantou os eventos que se celebrarán esta fin de semana ao longo do municipio, que conxugan música, festas populares e deporte: “comezamos hoxe, venres, coa última sesión de Sons na Rúa, na Praza do Concello, por parte da Coral Polifónica de Foz. Iniciase hoxe tamén o festival de música heavy HellFoz, que terá lugar durante a noite de hoxe e o día de mañá na explanada portuaria. E tamén para mañá temos un extensísimo programa: seguimos co Hellfoz, pero tamén temos a zorzada dos Celtas de Foz, que é unha actividade do equipo de baloncesto para recadar fondos. Celebramos tamén a festa dos Fondás, en Mañente, a festa da parroquia de Nois, e tamén mañá o Encontro Galaico-Astur con diferentes corais de Galicia e Asturias, na Sala Bahía, organizado pola Coral de Foz. Xa para o domingo teremos o festival folclórico organizado polo Feitizo na Praza Conde de Fontao. Remataremos a tarde do domingo coa 53ª edición da Travesía a cargo do Club Kayak de Foz”, enumerou Castiñeira.
O rexedor amosouse moi satisfeito co programa cultural da fin de semana e pola implicación dos colectivos culturais e do Concello para sacalo adiante, especialmente “nunha fin de semana que normalmente era de transición dun mes para outro e que non tiña un programa cultural, de ocio e deportivo máis ou menos estable. Queremos felicitar dende o Concello a todos os organizadores que fan posible que Foz siga cunha actividade incrible que ao final tamén redunda nunha actividade económica marabillosa e nunha gran ocupación turística, pois estamos falando de preto 27.000 persoas as que están gozando da nosa vila. Estamos moi contentos con esta programación, moi activos e moi orgullosos dos que fan posible que haxa máis de 10 actos nesta fin de semana”, concluíu Javier Castiñeira.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
