Burela, a 5 de agosto de 2015.- O Grupo Municipal Popular (GMP) manifestou este mércores as súas dúbidas sobre o traballo do goberno socialista en materia de Servizos Sociáis e Inmigración, xa que “vemos que non se fixo a exposición de traballos dos cursos do CIM e que non se están facendo actividades de verán en materia de inmigración, algo que era materia obrigada hasta o momento. Confiamos que se deban á falla de inexperiencia, o que sería disculpable, e non a unha decisión meditada, o que sería a todas luces rexeitable”.
“Por estes motivos, consideramos que as persoas que detentan as delegacións de Servizos Sociáis e Inmigración deben implicarse e comprometerse a fondo nas mesmas, porque son dous piares fundamentáis da política municipal. E estas cuestións non axudan a pensar que haxa esa implicación e ese compromiso ó cento por cento”, din os populares.
Desde o GMP consideran que “o feito de que non se teña realizado a exposición dos cursos do Centro de Información á Muller (CIM) supón un nulo recoñecemento ó traballo que fan as cáseque 200 mulleres que asistiron ós cursos de bolillos, bordado e manualidades, sendo a primeira vez, desde que se fan estes cursos, que non se realiza a exposición”.
Desde o GMP advirten que “esta exposición serve poñer en valor, non só as súas capacidades artísticas, senón tamén para que outras mulleres se animen a ter unha vida máis participativa e activa, demostrando que realmente son unhos cursos necesarios para cubrir parte do ocio e tempo libre das mulleres burelesas que tanto os demandan. Non hai que esquecer que destes espazos emerxeron varias asociacións e tamén mulleres emprendedoras que hoxendía rexentan os seus propios establecementos comerciais”.
Para o GMP tamén “resulta sorprendente que, habendo unha concellería exclusiva para inmigración, non se levaran a cabo cursos específicos para este colectivo, excepto o que o anterior goberno municipal popular deixou xestionado. Eso demostra que non basta con cubrir o expediente tendo unha delegación municipal exclusiva para este campo”.
Os populares lembran que “nos catro últimos anos se realizaron actividades con custe cero, por eso manifestamos en reiteradas ocasións que era a lexislatura dos ‘servizos sociais creativos’, xa que moitos dos cursos e das liñas de actuación foron froito de xestións que deron lugar á gratuidade das accións, desenvolvendo actividades para todos os colectivos: inmigración, maiores, persoas dependentes e os seus coidadores, muller, familia e infancia, igualdade e prevención de violencia de xénero, etc.”.
O GMP afirma que “se o novo goberno socialista segue a estela do que se viña facendo en servizos sociais, como se veu facendo sempre desde que Burela é concello, as cousas irán polo bó camiño. Non obstante, lembrámoslle ó PSOE que non se trata tan só de realizar actuacións contratadas, senón que hai que deseñar un abano de actividades diversas para todo tipo de colectivos con necesidades específicas que supoñan custe cero ás arcas municipais.”
Finalmente, os populares aseguran que “o concello conta con excelentes profesionáis no campo dos servizos sociáis e da inmigración, que o teñen demostrado durante moitos anos. Só queda que as persoas que teñen a responsabilidade política nesas materias non poñan en entredito o seu traballo e que, apostando pola continuidade do que funcionou ben, aporten ideas novas para que as profesionáis as desenvolvan”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
