Ribadeo, 5 de agosto de 2015.- Máis de 26.000 persoas pasaron polas oficinas de turismo de Ribadeo e das Catedrais durante o mes de xullo, segundo os datos que este mércores deu a coñecer a concelleira de Turismo, Ana Martínez. Desa cifra mais17.000 foron os visitantes que demandaron información no punto de Augas Santas, que leva funcionando xa cinco anos a pé de praia.
A edil nacionalista subliñou “o bo posicionamento que está a ter a nosa web turismo.ribadeo.gal debido ás numerosas consultas que recibe de viaxeiros para preparar a súa viaxe, rumbo a Ribadeo. Esas persoas posiblemente non demanden información nas oficinas de turismo do noso concello. As cifras, en total, son similares ás rexistradas en anos anteriores”.
Ana Martínez indicou que “o turismo internacional acadou neste mes de xullo o 14% dos visitantes chegados a Ribadeo. Trátase dun máximo histórico. Son cidadáns procedentes de Francia, Alemaña, Reino Unido e Italia, pero tamén chegan desde Polonia, Arxentina ou mesmo Australia. Este é un dato moi bo sobre a posición de Ribadeo como destino turístico, que cada vez está máis internacionalizado”.
Dentro do territorio español os que máis elixen Ribadeo para pasar unha parte das vacacións son os procedentes de Madrid e Castela-León, “e moi significativo é este ano o aumento dos andaluces que se achegan ata a nosa terra e despois tamén de comunidades máis próximas como é o caso de Euskadi e de diferentes puntos de Galicia”.
A concelleira de Turismo sinalou que “cada vez son máis os peregrinos que escollen o Camiño Norte para facer esta ruta cara Compostela. Cada vez ten unha importancia máis significativa, quizais chegan tamén alentados pola súa declaración como Patrimonio da Humanidade e penso que iso aínda o pode facer máis atractivo. De feito 1.265 peregrinos pasaron por Ribadeo durante o mes de xullo. Isto hai que destacalo porque tamén se nos fai complicada a súa acomodación, xa que temos dous albergues. Un do Xacobeo que conta con só 12 prazas co cal debemos incidir na necesidade que ten Ribadeo, como porta de entrada a Galicia que é, para contar con outro albergue con máis capacidade. E o Concello contra con outro albergue, que dispón de 34 prazas, situado en Vilela”.
Martínez engadiu que a “Ribadeo chegan os visitantes de diversas maneiras e tamén o fan por mar. Segundo os datos que nos facilitan desde o Real Club Náutico de Ribadeo en xullo foron 151 as embarcacións que atracaron no porto deportivo, o que supón que chegaron arredor de 600 persoas por esa vía, polo mar, procedentes de Francia, Reino Unido e Holanda”.
Sobre a praia das Catedrais a concelleira de Turismo dixo que “a diferenza do que ocorría anos anteriores a xente concéntrase nas tres ou catro horas da baixamar. Outros anos estaba máis repartida. E na oficina de turismo alí instalada non demandan información sobre Ribadeo ou sobre A Mariña, o que piden agora son datos da baixamar, de cómo baixar á praia, sobre os pases que deben retirar, etc… o importante para eles é non deixar de baixar á praia, que na información do entorno. Outra cousa importante é o desvío dos aparcadoiros cara Barreiros, o que supón un punto de inflexión no xeito de chegada e de saída á praia das Catedrais”.
Ana Martínez tamén destacou a boa acollida que están a ter as xeorrutas que o Concello puxo en marcha o pasado 15 de xullo. “Máis de 1.000 persoas as realizaron esas visitas interpretativas do noso litoral, para a dar a coñecer toda a biodiversidade deste espazo, promovendo o coñecemento necesario tamén para a súa conservación, que coñezan a importancia biolóxica e medio ambiental da zona”. A xeorruta dos arcos é a que discorre pola praia das Catedrais é e xeorrutas dos ollos é a que vai ata Rinlo.
A concelleira nacionalista incidiu en que “Ribadeo se consolida como referente turístico. Ribadeo é destino escollido polos visitantes para pasar unha parte das súas vacacións” e destacou a calidade dos hoteis e dos comercios dos que poden gozar todos os que visitan este concello.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
