NOTA DE PRENSA
OS SOCIALISTAS ESIXEN AO GOBERNO DE FEIJOO QUE CLARIFIQUE A SÚA POSTURA SOBRE AS AREAS SANITARIAS DE GALICIA
– O portavoz de Sanidade Modesto Pose definiu a folla de ruta do PP no que se refire a xestión sanitaria como de “confusión, goberno, confusión”
-Denunciou que “a sanidade empeorou en Galicia de maneira alarmante”
– Dixo “nosoutros estamos dispostos a falar pero non a diminuír un ápice a autonomía dos Hospitais Comarcais”
– Dende o PdeG-PSOE entendemos que os Hospitais Comarcais teñen demostrado a súa eficacia e a súa sintonización coa poboación a que atenden
Santiago, 8 de outubro do 2009. O portavoz de Sanidade do Grupo Parlamentario Socialista Modesto Pose esixiu hoxe ao Goberno de Feijoo que clarifique a súa postura sobre as areas sanitarias de Galicia.
En rolda de prensa, Pose puxo de manifesto o malestar importante que esta creando na cidadanía á Consellería de Sanidade con este asunto. O deputado socialista aludiu ademais a que os afectados nas comarcas, dende persoal sanitario a colectivos veciñais, están creando plataformas para “parar esta tropelia”, relatou.
Denunciou que os propios profesionais destes hospitais comarcais son os máximos interesados en defender as actuais areas sanitarias. Definiu a folla de ruta do PP no que se refire a xestión sanitaria como de “ confusión, goberno, confusión”. E insistiu “dende a Consellería de Sanidade din unha cousa e dende o Partido Popular outra moi distinta”, espetou “o PP so provoca confusión”.
Explicou que incluso os populares,ademais do PSdeG-PSOE, presentaron unha serie de iniciativas parlamentarias nas que reclaman unha resposta sobre este asunto, para que a Conselleira se aclare. Segundo denuncia Pose o propio PP esta preguntándolle á Conselleira que vai pasar en Burela, Monforte, Valdeorras e no Salnés.
Dende o PSdeG-PSOE vamos esixirlle a Señora Farjas que se clarifique, que nos diga claramente o que quere facer, e que xa esta ben de gobernar a Sanidade estilo proba, error, proba, error, ironizou o portavoz. “Para ensaios -explicou- xa hai outras actividades e non a política sanitaria”. Nese senso lembrou as diferentes lexislacións de ordenación sanitaria, como o mapa sanitario que se fixo por consenso Decreto 186/1984, o decreto de modificación do 55/1989, a Lei 13 /92 de inclusión da area sanitaria do Salnés (feita por unha iniciativa Lexislativa popular) ou o decreto 52/1998.
Esixe claridade
Pose dixo que todo o relacionado coa sanidade son temas moi sensibles por iso di que dende o PSdeG-PSOE “nunca manipularemos”, pero esiximos claridade á Consellería de Sanidade sobre este asunto. Por iso pregúntalle á Conselleira de Sanidade si os “hospitais comarcais van a perder autonomía si ou non”, proclamou. “Queremos saber si os xerentes van a seguir en cada Hospital Comarcal”, insistiu.
Dende o PSdeG estamos dispostos a falar para mellorar, pero non para empeorar a situación.
Dende o PdeG-PSOE entendemos que os Hospitais Comarcais teñen demostrado a súa eficacia e a súa sintonización coa poboación a que atenden, e hoxe a poboación valora altamente a eficacia destes Hospitais, por iso reclamamos que sigan tendo autonomía.
Atención Primaria e Especializada
O deputado tamén se referiu a integración da Atención Primaria e a Especializada.
Pose pide nomear un xerente de atención integrada, que este por arriba dos xerentes dos dous hospitais. Argumentou que para poder crear esta praza se eliminen os actuais xefes territoriais de Sanidade “que non valen para nada”.
O deputado socialista insistiu nas súas criticas ao PP “nosoutros estamos dispostos a falar pero non a diminuír un ápice a autonomía dos Hospitais Comarcais”.
Lista de espera alarmante
Preguntado polos xornalistas sobre as listas de espera, Modesto Pose foi tallante e afirmou que segundo as súas informacións “a sanidade empeorou de maneira alarmante”. Aludiu tamén as declaracións da Conselleira de Sanidade nas que explicou que a situación das listas de espera era igual que antes, a día 30 de setembro. Dixo que non sabe de donde saca os datos á Conselleira , e que seria bon preguntarllo.“Quen lle da os datos senón están elaborados,”e reclamou “que os faga públicos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
