NOTA DE PRENSA
O BNG DEMÁNDALLE Á XUNTA QUE PRESIONE A UNIÓN EUROPEA PARA QUE SE INCREMENTE A CUOTA DE XARDA DA FLOTA GALEGA
Bieito Lobeira solicita unha moratoria na construción de plantas de acuicultura
Santiago de Compostela,9 outubro 09.- O portavoz de Pesca do BNG, Bieito Lobeira, demandou hoxe no Parlamento Galego que a Xunta de Galiza “defenda os intereses do sector pesqueiro galego tanto ante o Goberno Central como en Bruxelas para que a flota galega incremente a súa cuota de xarda en 2010”.
Bieito Lobeira denunciou este mediodía na Comisión de Pesca do Parlamento Galego que “a Xunta de Galiza está a manter unha postura pasiva e acrítica ante decisións de Bruxelas que están a perxudicar gravemente a nosa flota”:
“A prohibición de pesca da xarda é claramente perxudicial e sen sentido”
O deputado nacionalista asegurou que a decisión do Goberno Español de prohibir a pesca de xarda a partir do 10 de xuño deste ano ao ter superado supostamente o TAC asignado á frota do Estado español pola Unión Europea “non ten sentido e contradise coa realidade”.
Así, lembrou que esta decisión “impediu que se poidera capturar esta especie durante o mes de verán, cando adquire no mercado maior valor, o que privou a moitos mariñeiros dunha importante fonte de ingresos”.
Ademais, subliñou que “existe unha importante densidade de xarda no noso litoral, o que demostra que non é unha especie en situación de colapso biolóxico”.
Por último, denunciou “o absurdo de que a xarda pescada, e polo tanto morta, de xeito accidental polos nosos buques teña que ser devolta ao mar para protexer o stock”.
Por todo iso, o deputado do BNG instou á Xunta de Galiza a que “asuma un papel activo e actúe en todos os frentes para que na reunión do Consello de Ministros de pesca da UE prevista para o mes de decembro se incremente o cota de xarda para a flota galega”.
Moratoria na construción de piscifactorías
Por outra parte, o deputado do BNG plantexou na Comisión de Pesca do Parlamento Galego que a Xunta de Galiza acorde unha moratoria na construción de pisficatorías, co obxectivo de chegar a un acordo para o desenvolvemento da acuicultura en Galiza compatíbel co respecto ao medio ambiente e co marisqueo e a pesca de baixura.
Bieito Lobeira denunciou que “o Partido Popular está totalmente ao servizo dos intereses de Pescanova, sen reparar en que o modelo desta multinacional para o noso país é incompantíbel con outras actividades produtivas e mesmo coa xeración de emprego digno e estábel”.
Puxo como exemplo que a multinacional pesqueira “recibiu do Goberno do PP na Xunta entre os anos 2000 e 2005 máis de 42 millóns de euros de axudas públicas, o que non redundou nun incremento do emprego xa que pasou de 832 a 760 traballadores e traballadoras en Galiza”.
No caso concreto da Planta de Touriñán, o deputado nacionalista advertiu de que “os estudos da Universidade de Santiago alertan de que a piscifactoría afectará de forma severa ao percebe”. Neste sentido, preguntouse se “os 40 postos de traballo que di que vai crear pescanova compensará aos máis de 100 percebeiros que están censados na confraría de Muxía”.
Por último, Bieito Lobeira salientou que “segundo os propios dados do Cluster da Acuicultura de Galiza todas as piscifactorías do noso país dan emprego directo a tan só 270 persoas, e subvencionados como media con 500.000 euros de axudas públicas por posto de traballo”
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
