Foz, 11 de novembro de 2015. O Concello de Foz ofrece unha axenda cultural chea de actividades para os vindeiros días. Silvia Blach, concelleira de Cultura, explicou hoxe as diversas propostas das que poderán gozar os veciños, nas que destaca o cine, a música, as conferencias médicas e o ocio infantil.
“Para este mes temos convocados varios concursos: o primeiro é o de postais de Nadal, para que todos os nenos participen debuxando algo sobre o Nadal e poden presentalo na Biblioteca ou na Casa da Cultura ata o 26 de novembro”, explicou a edil.
Outro dos certames en curso é o do Rei e Raíña do Entroido. Blach indicou que os interesados “teñen que presentar os seus datos, dúas ou máis fotos recentes e un pequeno escrito explicándonos o que queren facer cando sexan reis e por que queren ser reis ou raíñas do Entroido. Hai que presentalo antes do 23 de novembro á técnica de Cultura no Concello de Foz”. A Cea de Entroido, coa coroación, está prevista para o 23 de xaneiro de 2016.
“Tamén temos no Cenima ata o 23 de novembro a mostra Ola Caperucita, unha exposición cunha releitura desde conto tan coñecido por todos de Carrapuchiña. Seguindo coa programación cultural este xoves 12 haberá Cinema no Cenima; ás 20.30 horas empeza a proxección e ás 20.00 horas abrimos a taquilla. Por soamente 3 euros poden ver As altas presións, unha película moi interesante, gravada en galego e que fala tamén de Galicia”, continuou a concelleira. Trátase dunha película do director Ángel Santos Touza que narra a viaxe dun home a Pontevedra para preparar as localizacións para un filme. O traballo lévao de volta á que é a súa cidade natal e ás persoas que formaron parte da súa vida.
Bach tamén explicou que “este mesmo xoves na Casa da Cultura temos o principio das Charlas Médicas. Esta vai ser sobre reaccións alérxicas graves, impartida pola doutora Teresa González Fernández, especialista en alergoloxía”. Será as oito da tarde.
“Este venres 13 ás seis da tarde na Biblioteca Pública, na Casa da Cultura, temos un contacontos, Pablísimo, coa obra Ras, Contos batracios, unha obra destinada a nenos de entre catro a oito anos. As prazas son limitadas porque na Casa da Cultura temos un espazo reducido”, advirte. Pablísimo é moi coñecido tamén pola súa faceta de humorista no programa Lúar, da TVG.
O venres 13 ás 21.00 horas Felipe Sanchez Fernández e África Rodríguez Arias ofrecerán un recital lírico no Cenima. Ademais, o grupo O Pico do Castro leva a súa obra Consultorio ao local A Saira de Nois ás 20.00 horas. A peza forma parte do Ciclo de Outono de Teatro do Concello. Para estes dous actos a entrada é gratuíta.
“Tamén teremos música o sábado 14 de novembro ás 18 horas, o concerto de Pesdelán, na Sala Bahía. Para asistir hai que pagar simplemente unha pequena entrada, 5 euros para os que non son socios da Asociación Cultural A Subela e 4 para os socios. Vai ser moi interesante tamén asistir”, dixo Blach. É un espectáculo no que se combina a música co ensino de bailes e xogos sinxelos para o público.
A concelleira lembrou tamén que “o xoves 19 seguimos coas charlas médicas, sobre os coidados paliativos. Vai ser impartida pola doutora Belén Fra e a enfermeira Mar Pérez Gómez”.
“En canto ao venres 20 ás 21 horas teremos teatro dentro do Ciclo de Outono de Teatro nas parroquias. Será o grupo O Centiño que vai realizar no centro social de Santa Cilla a súa obra o Caldeiro Máxico”, finalizou Silvia Blach.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
