Foz, 17 de novembro de 2015. A Corporación Municipal de Foz celebrou este martes unha concentración con tres minutos de silencio en sinal de repulsa polos atentados cometidos o pasado venres na cidade de París. Con este acto, o Concello quere amosar a súa solidariedade coas vítimas e as súas familias e a súa condena aos extremismos, tal e como manifestou trala concentración o alcalde de Foz, Javier Jorge Castiñeira.
“Dende a Corporación Municipal, dende todos os colectivos e en representación de todos estamos hoxe aquí nesta concentración diante do Concello para amosar a nosa máxima repulsa contra os atentados de París, atentados yihadistas, de extremistas que queren desfacer o Estado do Benestar e de cordialidade no que vivimos en Francia ou España e todos os países occidentais. Amosamos o noso máis sentido pésame polos que faleceron nos atentados, e tamén queremos desexarlles unha pronta recuperación aos feridos, especialmente ás familias dos feridos e do falecido españois. Máxima repulsa e o noso sentido pésame a todos aqueles que sufriron este brutal atentado. Estes días foi en Francia e pode ocorrer en calquera das cidades e pobos dos países que hoxe en día nos vemos ameazados por este tipo de terrorismo yihadista e extremista”, declarou o rexedor municipal.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
O alumnado da escola dará mostra do resultado das moitas horas de ensaio e convida á veciñanza a disfrutar con eles. Durante esta última quincena do mes estase traballando tamén na XXXIX Feira do Bonito, programada para os vindeiros 2 e 3 de agosto. Pódese decir que comeza coa convocatoria do concurso de carteis que ten xa gañadoras: na categoría A (ata 14 anos) Anxela Regal Rico, e na categoría B (maiores de 14 anos) Maite Fernández Cendoya; os seus traballos faranse públicos en poucos días e aparecerán no programa de man e no cartel anunciador da Feira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
Trátase dun proxecto educativo pioneiro en Galicia, que traballa a autoestima, a motivación e as intelixencias múltiples.
