Lugo, 25 de novembro de 2015.- O presidente do PP de Lugo e portavoz do Grupo Parlamentario Popular no Senado, José Manuel Barreiro, amosou este mércores, no seu nome e no de todo o Partido Popular lucense o seu “rexeitamento a calquera forma de violencia exercida contra as mulleres, que é unha das lacras máis importantes da nosa sociedade”, así como o seu “firme compromiso para a súa erradicación impulsando todas as medidas que sexan necesarias”.
“Hoxe e todos os días, as institucións e toda a sociedade no seu conxunto debemos loitar contra a violencia de xénero, para que siga sendo unha política de Estado; e aínda que unha soa vítima xa sexa demasiado, hai que recalcar que se está conseguindo reducir o número de vítimas desta lacra”, remarcou Barreiro.
O presidente popular lucense recordou que, por primeira vez en España, púxose en marcha unha Estratexia Nacional para a Erradicación da Violencia contra a Muller, para dotar ao sistema de prevención e asistencia de ferramentas máis eficaces, así como outras normas que atenden tamén ás necesidades das vítimas doutras formas de violencia e singularmente, ás vítimas de trata con fins de explotación sexual.
Neste sentido, José Manuel Barreiro puxo de manifesto que “nesta loita para protexer máis e mellor ás mulleres elaborouse o Estatuto da Vítima”. Neste recóllense os seus dereitos e garantías, amplíanse as competencias do Xuíz de Violencia sobre a Muller a delitos contra a intimidade, a propia imaxe e o honor da muller, e ademais introdúcense novos delitos no Código Penal.
Tamén, subliñou que “a loita contra este tipo execrable de violencia se sebe dar desde todos os ámbitos da sociedade, e en particular, desde as persoas máis próximas á muller maltratada, amigos, familiares, compañeiros de traballo na loita contra a violencia, para que as axuden a saír desta situación”.
Para terminar, Barreiro dixo que o Partido Popular de Lugo “quere trasladar unha mensaxe de esperanza, e desde a consideración da erradicación da violencia contra a muller como unha cuestión de Estado, co traballo conxunto de todos, administracións, institucións e forzas políticas; apoiando a quen sofre a violencia, perseguindo a quen a provoca e creando unha conciencia social de rexeitamento ao maltrato, é posible alcanzar unha sociedade libre de calquera forma de violencia contra a muller, que garanta a súa dignidade e dereitos e os dos seus fillos e fillas”.
Campaña “Controla o control”
Igualmente, o PP de Lugo, da man da súa coordinadora da Comisión Provincial da Muller, Mari Teijeiro, puxo en marcha hoxe mesmo unha campaña que, baixo o lema “Controla o Control”, busca concienciar aos máis novos para que rexeiten as novas formas de violencia de xénero que se poden producir na súa relación de parella e en ámbitos tan cotiáns como son as redes sociais.
Esta campaña do PP de Lugo busca que mozos e adolescentes da provincia sexan conscientes e saiban rexeitar todas estas formas de control e invasión do espazo persoal, que son unha forma máis de violencia de xénero. Teijeiro, que valorou de forma positiva a iniciativa da Xunta de Galicia en colaboración cos campus universitarios galegos para conectar cos mozos, afirmou que esta campaña “terá especial presenza nas redes sociais, precisamente para poder chegar tamén de xeito máis efectivo a este colectivo, dado o excesivo protagonismo que estas teñen na súa vida cotiá”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.