Vista Alegre arrincou a Tarde Laranxa con aforo completo na visita do xigante FC Barcelona. Os máis de 1.200 afeccionados das bancadas laranxas gozaron dun encontro no que o CD Burela FS Pescados Rubén plantou cara ao equipo de estrelas internacionais, cunha primeira parte moi seria dos da Mariña, con grandes ocasións para igualar aos cataláns, que se foron ao descanso con vantaxe de 0-2.
Os da casa saíron a dar a sorpresa; xa nos compases iniciais Chino e Isi buscaron a Paco Sedano. Poucos segundos logo de cumprirse o primeiro minuto de xogo Dyego abriu o marcador pola escuadra a pase de Wilde. Non se deixaron amilanar os da Mariña, freando a xenialidade blaugrana e pelexando por atopar algunha fenda na imperturbable defensa do gran Barcelona. No minuto 7, os de Daniel Ibañes dispuxeron das súas primeiras oportunidades, dous balóns de ouro; Paco Sedano freou a embestida de Jorge, que se apoiou en Chano, tras saque de banda e pouco despois Antoñito, só ante o meta barcelonés, chegou tarde ao pase de Chano. Antes de chegar á medianía da primeira parte, Chino tivo nas súas zapatillas o empate, dentro da área corpo a corpo con Sedano, desde balón parado de Isi. No minuto 15, Aicardo dispuxo da mellor ocasión do Barcelona tras o gol; Edu, axudado polos paus, encargouse de desartellala. A tan só 19 segundos para o descanso, Aicardo en xogada de estratexia anotou o 0-2, desde Wilde.
No reinicio, logo dunha grande ocasión de Iago Rodríguez corpo a corpo co meta catalán, Lin ampliou a fenda a pase de Wilde (0-3, minuto 22). Segundos despois Jorge Bellvert intentou abrir a lata para os laranxas cun disparo desde a banda que se estrelou contra a madeira. A piques de cumprirse o minuto 25, a escuadra mariñá optou por xogo de cinco liderado por Iago Rodríguez. Non atopou a resposta esperada o conxunto laranxa; o sempre perfecto Barcelona Lassa aproveitou e chegou o cuarto, nunha recuperación que culminou Batería a porta baleira (minuto 27) desde propia pista. Pelexaron ata a extenuación os de Daniel Ibañes por conter a xenialidade das estrelas blaugranas, cun concienzudo traballo de Edu. Na recta final, Esteban subiu o definitivo 0-5 nun rexeite de Edu que petou en Hélder.
A liga de Primeira División LNFS volverá o venres 18. O Burela FS Pescados Rubén visitará a pista do UMA Antequera (21.00 horas) na última xornada da primeira volta.
Ficha técnica
CD Burela FS Pescados Rubén: Edu, Isi, Iago Rodríguez, Chano, Chino, cinco inicial; tamén xogaron Iago Míguez, Antoñito, Jorge Bellvert, Hélder.
FC Barcelona Lassa: Paco Sedano, Tolrà, Dyego, Saad, Wilde, cinco inicial; tamén xogaron Aicardo, Lin, Batería, Ferrao, Juan Emilio, Esteban.
Goles: 0-1, minuto 1, Dyego; 0-2, minuto 19, Aicardo; 0-3, minuto 22, Lin; 0-4, minuto 27, Batería; 0-5, minuto 39, Esteban.
Árbitros: Del Pozo García // Múnez Carpintero (Madrid). Por Burela FS, amarela a Jorge Bellvert (minuto 7), Chino (minuto 9), Iago Rodríguez (minuto 19), Isi (minuto 34), Chano. Por Barcelona amarela a Saad (minuto 10)
Incidencias: Partido correspondente á 14ª xornada da Primeira División da LNFS disputado en Vista Alegre. Aforo completo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
