CERVO .- O Concello de Cervo colabora coa Universidade de Santiago de Compostela nun proxecto sobre a integración de inmigrantes en Galicia, iniciativa na que participan 48 concellos galegos co fin de “elaborar un Manual de Boas Prácticas de Integración para os responsables das políticas e profesionais da administración local”,aseguran
Nota de Prensa
O CONCELLO COLABORA COA UNIVERSIDADE DE COMPOSTELA NUN PROXECTO DE INVESTIGACIÓN SOBRE A INTEGRACIÓN DE INMIGRANTES EN GALICIA
* Cervo foi un dos 48 municipios elixidos en Galicia para levar adiante este estudio na nosa comunidade autonómica
* Cos datos finais preténdese elaborar un Manual de Boas Prácticas de Integración para os responsables das políticas e profesionais da administración local
Cervo, 16 de outubro de 2009.- As concelleiras de Asuntos Sociais e de Educación do Concello de Cervo, Pilar Armada e Yolanda Pedreira mantiveron onte unha xuntanza nas dependencias municipais con Miguel Santos Rego, catedrático da Universidade de Santiago de Compostela e responsable do proxecto de investigación do Ministerio de Ciencia “La gestión socio-educativa de la inmigración en la administración local”.
Na xuntanza tamén participaron unha asistenta social do Concello de Cervo e a educadora municipal. Nela o profesor Santos Rego recabou datos estatísticos da poboación inmigrante en Cervo co obxectivo de estudar modelos e experiencias exitosas relacionadas coa integración dos estranxeiros no ámbito de vida local para diagnosticar as principais necesidades relacionadas coa xestión de fluxos migratorios no marco das actuais competencias e responsabilidades municipais. “O que se pretende con este proxecto é elaborar un Manual de Boas Prácticas de Integración para os responsables das políticas e profesionais da administración local” aclarou a concelleira de Educación Yolanda Pedreira.
Dende as áreas municipais de Asuntos Sociais e Educación valorase positivamente que Cervo fora un dos 48 municipios elixidos en Galicia para desenvolver este proxecto de investigación “e demostra o bo facer das políticas de integración, asistencia social e educación que se están a levar adiante nos últimos anos neste eido” salientou Pedreira.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.