Burela, 16 de decembro de 2015.- O Concello vai repoñer tres pezas de cerámica do mural de Neira Brochs na praza da Mariña e colocar fotos murais antigas de homenaxe aos mariñeiros nun muro da mesma praza que da á rúa Eijo Garay. Así o anunciou o alcalde de Burela, Alfredo Llano, que tamén animou aos interesados a visitar na sala de exposicións do Auditorio de Burela a exposición de Neira Brochs actualmente aberta ao público.
O rexedor contou que “na Praza da Mariña hai un mural cerámico que fixo Neira Brochs con motivo mariñeiro, que se fixo hai tempo cando se inaugurou a praza. Por haches ou por bes, nalgún momento perdeu tres pezas de cerámica que lle caeron, tres pezas que lle encargamos para proceder á súa reposición. Xa está mirando de facelas, hai que volver medir e colocar, pero en poucos días vai estar todo o mural listo, porque deste xeito estaba como medio descoidado. Aproveito para lembrar que ten agora unha exposición aquí en Burela, unha exposición bonita, de moito nivel, na sala de exposicións do Auditorio de Burela”.
Alfredo Llano Llano tamén deu conta dos plans para un muro na mesma praza da Mariña: “nun muro que se fixo alí ultimamente e que da á rúa Eijo Garay, vindo dende o porto, imos colocar unha serie de fotografías antigas que temos a gran tamaño e que xa temos expostas nalgún momento, para darlle importancia e singularidade á vida ida mariñeira no noso pobo. Serán 10, 12, ou 15 fotografías para que no seu conxunto adornen, dean valor e sexa unha homenaxe para a xente do mar e darlle así continuidade á praza da Mariña, cunha cousa que espero que guste aos veciños e á xente que nos veña visitar. Xa se comezou a facer a obra, calculo que entre mañá e pasado estea acabado de pintar o muro e para a semana que vén colocaremos as fotos murais”.
Esforzo para o Nadal
O rexedor destacou tamén que “o Concello de Burela está facendo un gran esforzo para poder atender as necesidades de diferentes colectivos e asociacións para facer un Nadal atractivo na nosa vila. Xa se anunciou que imos colocar unha carpa para diversas actividades, unha carpa que vai estar instalada entre o 22 de decembro e o 7 de xaneiro, e imos colaborar con diferentes asociacións, non soamente de xeito institucional, senón tamén economicamente. Todo iso en conxunto supón un esforzo económico ao Concello que menos mal que se vai traducir en algo vistoso e aproveitado por todo o mundo, tanto do pobo como os visitantes, e penso que vai ser moi agradable todo o que se está programando para estas datas”.
Tamén explicou Llano que “ata agora non se colocaron as luces, aínda que xa está programado onde se van colocar. Xa estivemos véndoo coa empresa que se vai encargar, xa se sabe onde van ir os puntos, os arcos e os distintos adornos que se van colocar. Evidentemente, isto trae uns gastos importantes e o único que se fai é retrasar un pouco a súa colocación e o acendido porque hai que tratar todas as necesidades e agora mesmo son moitas no nos concello. Pero si que se van colocar unhas luces, para a semana que vén van estar xa acendidas e, por tanto, van estar todas as Festas e ao mesmo tempo estamos mirando polo aforro e a xestión que nos corresponde”.
O alcalde burelés engadiu que “para o ano que vén, programaranse doutro xeito, cun orzamento específico para isto, porque este ano non había nada detallado, había moi pouco, e polo tanto temos que xestionalo o mellor posible. Eu pido desculpas aos veciños que se sintan molestos porque aínda non se colocaron as luces, pero hai moitos pobos nos que aínda non se colocaron nin se acenderon porque hai que equilibrar o aforro coa disposición de facer isto, que é importante para o pobo. Ten que haber un pouco de paciencia. Vai haber novidades, van ser moi bonitas e creo que van gustar, pero non as puxemos antes por cuestións económicas e tamén porque a empresa que as vai montar está traballando noutros lados e eu tampouco os apurei, xa que hai que equilibrar o gasto co resto. Este ano estamos procurando facer dentro dos orzamentos unha labor para todos”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
