Lugo, 28 de decembro de 2015.- O portavoz do GPP no Senado e presidente do PP de Lugo, José Manuel Barreiro, asegurou este luns que “o que España necesita agora mesmo é un Goberno estable que ofreza confianza” e afirmou que “Mariano Rajoy e o Partido Popular traballan con responsabilidade para conseguilo” porque “fomos a forza política máis votada, o partido polo que apostaron máis españois e polo tanto estamos lexitimados para facelo”.
Barreiro recordou que o PP gañou en 13 das 17 comunidades e obtivo 33 deputados e case 7 puntos máis que a segunda forza política, o Partido Socialista. O dirixente popular sinalou que en España, en democracia, sempre gobernou o partido que gaña as eleccións.
José Manuel Barreiro fixo estas declaracións aos medios de comunicación antes de presidir o Comité Executivo Provincial do partido, que se reuniu na tarde deste luns para estudar os resultados do 20-D. Barreiro destacou que Lugo é a quinta provincia española con maior porcentaxe de apoio ao PP, só superada por Ávila e Ourense e prácticamente cos mesmos resultados que Salamanca e Zamora.
Barreiro subliñou que o PP conseguiu na provincia o 42,5% dos sufraxios, o que supón un respaldo do electorado superior en cinco puntos á media que o PP conseguiu en Galicia e trece puntos por encima da estatal. Aínda así, matizou, “traballaremos para recuperar o apoio de todos aqueles que nestas eleccións decidiron non votarnos”.
O presidente do PP de Lugo destacou que os tres senadores e os dous deputados electos polo partido na provincia están xa ao servizo de todos os lucenses e representarán os seus intereses nas novas Cámaras que se constituirán o próximo 13 de xaneiro. José Manuel Barreiro subliñou que a maioría dos españois votaron “pola defensa da Constitución e a unidade de España” e apelou á responsabilidade e ao interese xeral para conseguir un Goberno de futuro que ofreza certidume e seguridade para continuar na senda do crecemento e a creación de emprego.
O senador popular indicou que na provincia de Lugo o partido gañou no 91% dos concellos, é dicir, en 61 dos 67, e puxo de manifesto que en moitos deles fíxoo malia ter alcaldes doutra cor política. José Manuel Barreiro puxo como exemplo o concello da Pontenova, no que gañou o PP, malia estar gobernado polo Presidente da Deputación de Lugo, Darío Campos.
Neste contexto, Barreiro destacou que o PP conseguiu o pasado domingo 20 de decembro, 3,41 puntos máis que nas eleccións locais celebradas fai sete meses; mentres que o PSOE perdeu 8.53 puntos.
Indicou que o Partido Socialista está “en caída libre” xa que, desde as xerais do 2008, perdeu máis da metade dos seus votos na provincia, mentres que o PP mantense nunha porcentaxe prácticamente similar. O dirixente popular sinalou que na cidade de Lugo os socialistas sitúanse xa como a terceira forza política, por detrás do PP e a coalición En Marea.
José Manuel Barreiro pediu que non se repita en España “o desgoberno que temos na Deputación de Lugo”. Recordou que a institución, gobernada por PSOE e BNG, continúa paralizada meses logo da formación do bipartito. “Este non pode ser o exemplo”, matizou. A continuación recordou que con Elena Candia á fronte da institución gobernouse desde o primeiro minuto. “Esta é a diferenza entre o Partido Popular e outros partidos; nós pensamos nas persoas e mentres outros pensan no seu propio beneficio”.
Para finalizar, o presidente dos populares en Lugo agradeceu o apoio a todos os votantes e destacou que, grazas a eles, o PP continúa sendo a primeira forza na provincia, conseguindo 18,53 puntos máis que o PSOE; 23,21 máis que a coalición En Marea; 34,91 máis que Ciudadanos e 38,91 máis que Nós, a marca electoral coa que se presentou o BNG aos comicios.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
