O foro “Amigos de Ceferino” debaterá en Foz sobre “cuestións que preocupan aos cidadáns”

Socialistas históricos da Mariña, reuníronse o pasado sábado 26 de decembro en Foz para acompañar á familia de Ceferino Díaz, galeguista e figura destacada do socialismo galego, no aniversario do seu falecemento.

Ao remate do acto, organizado pola agrupación loca do PSdeG-PSOE, os históricos socialistas reuníronse nun restaurante das inmediacións da Praia da Rapadoria onde celebraron unha fraternal comida. Xa na sobremesa, os reunidos acordaron constituir un foro de debate anual en torno á figura do galeguista no que cualquera cidadán con inquietudes poida participar abertamente e aportar a súa visión. Baixo a denominación de “Amigos de Ceferino” pretende debater sobre aquelas cuestións de importancia que preocupen aos cidadáns do noso país sen perder de vista as inquietudes de Ceferino.

Acordouse igualmente nomear unha comisión que se encargue da organización de ditos debates, que entre outros, estará formada por: Adolfo Paz (Foz) e José Canoura (Lourenzá).