Burela, 8 de xaneiro de 2015.- Non viviu o Burela FS Pescados Rubén o seu mellor encontro en Vista Alegre na tarde deste venres. Os mariñáns caeron 2-3 fronte ao Magna Gurpea, cunha primeira parte cuxo equilibrio se reflectiu no marcador ao descanso, con 1-1; no reinicio os laranxas víronse obrigados a remar contra corrente xa desde o minuto 23 con 1-3, un lastre demasiado pesado, do que só se puideron liberar lixeiramente con porteiro xogador, na recta final.
Protagonizaron os laranxas as mellores ocasións con perigo, aínda que lles faltou definición. Iago Rodríguez, en galopada, e Chano, desde balón parado, deron os primeiros avisos no minuto 4, e de novo o 11 mariñáns volveu sacar brillo á súa xenialidade no 6 revolvéndose na área navarra. Antes, Jesulito, de vaselina, e Eseverri, desde saída de banda, tiveron as primeiras dos visitantes, ante un atento Álex baixo os paus.
Tras a medianía da primeira parte, foron os peores minutos dos locais. Iago Rodríguez salvou in extremis un pase de Yoshikawa a Roberto Martil (minuto 12) e Eseverri, no 13, fixo tremer o pau. Nada puido facer Álex fronte a Rafa Usín no minuto 15, que anotou o 0-1 raso rozando o pau. No entanto, os de Daniel Ibañes non perderon tempo en lamentarse e pelexaron pola igualada, que chegou segundos despois nas zapatillas de Jorge Bellvert asistido desde a banda por Antoñito. Antes do descanso, as ocasións máis claras protagoniáronas Víctor por arriba superando a Álex, no 16, e Antoñito recortando a defensa navarra e intentando sorprender a Asier, no 17.
No segundo acto, xa na primeira xogada, Iago Rodríguez recibiu un balón de ouro ao bordo da liña de meta que non puido controlar. Con todo, o Magna si que volveu aproveitar; segundos despois Rafa Usín subiu o 1-2, tras roubo de Roberto Martil. Eseverri, no 23, ampliou distancias, con remate desde saque de esquina. Non baixaron os brazos os de Daniel Ibañes, aínda que lles faltou intensidade. Hélder intentou sorprender a Asier, no 27 e 28, pola banda e de lonxe; máis tarde puido recortar a fenda Iago Míguez, que recuperou na pista navarra pero estrelouse co gardameta. No minuto 30, Chino enfundouse na camisola azul para liderar o xogo de cinco; dispuxo o propio porteiro xogador, en solitario, dun balón que acabou liquidando Asier por arriba coas mans. A falta de 58 segundos Iago Míguez rubricou o 2-3, superando por abaixo a Yoshikawa. Antes da bucina final, Antoñito caeu fronte a Asier co que podía ser o empate.
Ficha técnica
CD Burela FS Pescados Rubén: Álex, Iago Míguez, Carlitos, Jorge, Antoñito, cinco inicial; tamén xogaron Chano, Iago Rodríguez, Chino, Hélder
Magna Gurpea: Asier, Jesulito, Roberto Martil, Rafa Usín, Eseverri, cinco inicial; tamén xogaron Yoshikawa, Víctor, Dani Saldise, Carlitos,
Goles: 0-1, minuto 15, Rafa Usín; 1-1, minuto 16, Jorge Bellvert; 1-2, minuto 20, Rafa Usín; 1-3, minuto 23, Eseverri, 2-3, minuto 39, Iago Míguez;
Árbitros: González Moreta // Sánchez Chamorro (Castela e León). Por Burela amarela a Iago Rodríguez e Álex. Por Magna amarela a Jesulito (minuto 32), Eseverri (minuto 37)
Incidencias: Partido correspondente á 18ª xornada da Primeira División da LNFS disputado en Vista Alegre. Sobre 900 afeccionados.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
