O alcalde de Burela asistiu este sábado en Santiago de Compostela á presentación da 71 edición da Vuelta Ciclista España

Burela, 9 de xaneiro de 2016.- O alcalde de Burela, Alfredo Llano, asistiu este sábado en Santiago de Compostela á presentación da 71 edición da Vuelta Ciclista España, que pasará pola comarca da Mariña o vindeiro 24 de agosto. O rexedor subliñou “a importancia que terá para Burela e para o resto da comarca tanto no plano deportivo, como no turístico e no económico que a Vuelta circule pola Mariña. É algo moi bo para todos nós”. Llano confía en que atravese a avenida Arcadio Pardiñas, en Burela, “aínda que todo se concretará dentro dunhas semanas nunha xuntanza que se celebrará en Lugo”.