12 de xaneiro de 2016.- Tiña que chegar e vaia si o fixo, auga a caldeiros, ríos a rebordar e campos asulagados que forzaron a mudar o campo de fútebol vello de Castro de Riberas de Lea, polo pavillón deportivo de Castro de Rei como escenario da sexta xornada da liga regular de Billarda na conferencia NorLeste.
Serpenteando e buscando atallos, os carros cheos de palanadores foron chegando a destino, mais non todos. Seica algún tivo que ficar na casa completamente aillado, agardando que as augas baixasen de nivel, mais a fame de billarda dos palanadores da Conferencia NorLeste fixo que a concurrencia fose abundante, mesmo ca achega de algún valente da irmá conferencia do NorOeste.
Dando un pouco de tempo para que ninguén quedase fora do bombo, deu comezo o sorteo e de seguido o voo das billardas encheo po completo e tomou posesión por primeira vez do pavillón de Castro de Rei.
Ata agora viñemos xogando fora, en prado, e o cambeo para pista cuberta de cemento, trouxo aparexado unha morea de resultados sorprendentes ou canto menos inagardados, de xeito que moitos dos favoritos, víronse sorprendidos e deixaron ó final da xornada o seu casilleiro mais valeiro de puntos que de costume. Markytos, Xermán, Kiko, Iván e Regueiro foron as vítimas, sendo esta para eles, a peor xornada no que vai de campeonato. Pola contra, Paula, Lola Eiras, Manolo, Carlos Alvariño, Oscar e nomeadamente Jorge (que finalmente gañou a aberto), deron a nota positiva co seu acerto.
Sen prisa pero sin pausa foi correndo a tarde billardeira entre risas, alguna cerveciña que outra e por fin os tan agardados primeiros varados da tempada. Non era sin tempo que os especialista se deixaran ver, e hoxe era o día. Con todo non se poden botar foguetes, so sete, pero todos eles de tan bela feitura que desataron as gorxas en atronadores vítores e fixeron que as palmas fumegasen en prolongados aplausos. Isto é billarda: Paixón! Amizade! Sana competencia e Deporte!
O pavillón de Castro de Rei foi muda testemuña da consolidación e subida ao estrelato dun novo valor: Jorge Galdo acadou a mellor puntuación e gañou o aberto.
O xogador de Ekipa-Bítere, sin estarabouzo ningún, viñase posicionando xornada a xornada con unha aportación in crescendo para o seu equipo e foi desta volta quen rubricou unha xornada perfecta facendo grande a un equipo que semellaba estancado e sen visos de rexurdir.
Para o segundo posto, catro empatados que logo das tres carreiras de rigor deixaron a Daniel como segundo e a Pepe Vidal como terceiro e mellor xogador local.
En donas, foi Geni a primeira seguida de Paula e de Lola Eiras.
En canto a equipos, “Billardeiros Musicais” gañaron por un so punto ós locais “O Cadaval”.
Os premios das afamadas galiñas de Mos, foron entregadas os gañadores por o alcalde de Castro de Rei D. Francisco Balado acompañado en todo momento por Mario do equipo anfitrión.
As clasificacións logo desta sexta xornada quedan asi:
Individual: Regueiro 117 p., Pepe Outeiro 111 p., Pepe Vidal 109 p., Manolo Pozo 108 p., Coedo 105 p.
Donas: Geni 79 p., Lola Eiras 42 p. e Bea 37 p.
Equipos: Billardeiros Musicais 458 p., O Cadaval 382 p., Troitas Bravas 340 p.
A vindeira xornada viaxamos a Meira o domingo 31 de xaneiro. Agardamos por todos
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
