Lugo, 14 de xaneiro de 2016.- A Xunta de Galicia, a través da Consellería de Economía, Emprego e Industria adicará preto de 200 millóns de euros a programas de actuación para impulsar a dinamización económica e do mercado de traballo, tal e como deu a coñecer na mañá deste xoves en rolda de prensa a delegada territorial, Raquel Arias.
“En concreto”, explicou a delegada da Xunta, “dos 46 programas activados pola consellería, 23 propician directamente a creación ou expansión de proxectos empresariais, mediante a súa modernización, internacionalización, contratación de novos traballadores, ou aforro enerxético, entre outras medidas que apoian estas axudas”.
Arias tamén manifestou que dende a Delegación Territorial e a consellería se están a convocar xuntanzas cos axentes interesados en distintos concellos da provincia .“Con estes encontros”, dixo, “queremos explicar directamente aos empresarios e emprendedores as posibilidades que lles abren estas liñas de axudas, os investimentos subvencionables, os prazos e outros aspectos relacionados coas mesmas, ademais de resolver as súas dúbidas e recoller suxerencias”.
A delegada tamén fixo referencia a algúns dos programas que teñen maior incidencia para o tecido económico da provincia e entre os que figuran axudas da Dirección Xeral de Comercio, do Instituto Galego de Promoción Económica (Igape), da Axencia Galega de Innovación (Gain), do Instituto Enerxético de Galicia (Inega), da Dirección Xeral de Enerxía e Minas e diversas liñas de axudas ao emprego.
O prazo de presentación de solicitudes está aberto neste momento para todas as axudas convocadas pola consellería.
As liñas que promove a Dirección Xeral de Comercio comprenden principalmente aquelas destinadas á mellora da imaxe, modernización, establecemento de novas fórmulas e medios de comercialización no sector retallista e artesanal galego, dotadas con tres millóns de euros, e unha liña de axudas destinadas ás asociacións de comerciantes sen fins de lucro para a dinamización dos centros comerciais abertos e prazas de abastos de Galicia, que contan cun orzamento global de dous millóns de euros.
O Igape, pola súa parte, distribúe máis de 31 millóns de euros a través de varias convocatorias que perseguen basicamente o crecemento das empresas e a súa expansión internacional. Unha das máis destacadas é o programa Galicia Inviste, dotado con 12 millóns de euros, para proxectos de investimento en obra civil e maquinaria. Tamén apoia iniciativas cun alto potencial para a creación de emprego directo e indirecto, prevéndose que axude a manter entre 3.000 e 4.000 empregos e a crear entre 500 e 600 novos
Outro programa impulsado a través do Igape, e ao que se lle adican máis de 3,7 millóns de euros, é Galicia Emprende. Permitirá cubrir investimentos máis pequenos, de entre 25.000 e 500.000 euros, que realicen empresas novas ou recén establecidas. Subvencionará obra civil, bens de equipo, gastos de aprovisionamento ou de I+D, canon fixo de franquías no primeiro ano, ou alugueiro de inmobles, entre outros. Esperase que impulse a creación de 200 novos empregos.
O Igape tamén destinará 9,5 millóns de euros en axudas á exportación para empresas e organismos intermedios, como clústers, consellos reguladores e asociacións empresariais.
Pola que respecta á Axencia Galega de Innovación, ponse en marcha o programa Conecta Peme que, cun presuposto de 25 millóns de euros, apoiará proxectos de investigación e innovación orientados ao mercado.
No ámbito do emprego, a consellería dispón de 25,3 millóns de euros para o fomento da contratación e a incorporación de novos autónomos. 20 millóns destinaranse á creación de emprego autónomo e os 5,3 millóns restantes dedícanse a medidas de fomento da contratación. En total, destínase ao emprendemento 40 millóns de euros.
Tamén o Inega presenta unha liña de axudas para a realización de auditorías enerxéticas e para a implantación de sistemas de xestión, combustibles alternativos e proxectos de aforro e eficiencia enerxética que está dotada con máis de 9,5 millóns de euros. Pola súa banda, a Dirección Xeral de Enerxía e Minas dedicará preto de 4 millóns en axudas para a habilitación e mellora de infraestruturas dos parques empresariais de Galicia.
En definitiva, tal e como destacou a delegada, con todas estas axudas a Xunta de Galicia
“quere garantir que ningún proxecto empresarial viable quede sen realizar por falta de financiamento e que ningunha empresa galega free o seu desenvolvemento por falta de apoios”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
