Lugo, 15 de xaneiro de 2015.- Na rolda de prensa posterior á Xunta de Goberno da Deputación celebrada este venres, o vicepresidente nacionalista, Antonio Veiga, deu conta da resolución recaída no recurso contencioso-administrativo interposto pola Deputación de Lugo contra o acordo plenario do concello de Cervo no que en data de 5 de decembro de 2012 aprobou un estudo de detalle para a construcción dun edificio de cinco andares (baixo, 3 plantas e planta baixo cuberta) no solar contiguo ao Museo do Mar de San Cibrao.
O TSXG estima o recurso contencioso-administrativo interposto pola Deputación contra o acordo plenario do concello de Cervo do 5 de decembro de 2012 anulando dito acordo por ser contrario a dereito. Na sentenza recóllese que o mencionado estudo de detalle infrinxe o disposto na ordenanza residencial mixta das NN.SS de 1978 do concello (a aplicable á parcela referida).
No estudo de detalle aprobado polo concello de Cervo permitíase a construcción do citado edificio en ordenación pechada. Ao permitir a construcción do edificio en ordenación pechada, permitíase que este non gardara ningún retranqueo co muro que pecha perimetralmente o Museo do Mar. Vista a sentenza, no quinteiro comprendido entre a Rúa do Torno, o Paseo Marítimo e a Avda da Mariña, só é posible a construcción dun edificio en ordenación aberta o que conleva o correspondente retranqueo a respecto da parcela na que se ubica o Museo.
“A Deputación de Lugo presentou este contencioso na defensa do interés público, na defensa dun edificio público senlleiro coma o que alberga o Museo do Mar”, manifestou Antonio Veiga.
Desde a Vicepresidencia da Deputación consideran que “o concello de Cervo, como titular do Museo debera actuar na defensa dun ben público afectado por este estudo de detalle e non situarse do lado do interese privado, (que lexítimamente está no seu dereito a defenderse).
O Museo do Mar é propiedade do Concello de Cervo e desde o ano 2003 está cedido á Deputación por un período de trinta anos. A institución provincial encárgase da súa xestión, conservación e mantemento desde a Área de Cultura e incluindoo na súa Rede Museística. Tén unha media, que se incrementa anualmente, de 19.000 visitantes (20.616 no 2015) que poden disfrutar dunha extensa programación a través da cal se difunde a cultura mariñeira.
Nos últimos anos anos realizáronse xestións desde a Vicepresidencia da Deputación para a ampliación do Museo, contemplando a posibilidade da adquisición do solar contiguo, obxecto do estudo de detalle referido. E neste sentido Antonio Veiga manifestou que “o concello de Cervo, gobernado polo Partido Popular, non actuou lealmente, xa que coas súas decisións adoptadas en pleno púxose do lado do interés privado, influíndo negativamente nas posibilidades de que as xestións para a adquisición dos terreos fructificasen nun resultado beneficioso para o interese público”
Aínda que a sentenza é susceptible de recurso ordinario de casación que poden presentar nun prazo de dez días, a mesma deixa patente a nulidade do acordo plenario do concello de Cervo do 5 de decembro de 2012.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
