Foz, 18 de xaneiro de 2016. O alcalde de Foz, Javier Jorge Castiñeira, fixo este luns balance da décimo terceira edición da Festa do Chícaro, celebrada o pasado fin de semana. O rexedor municipal destacou o éxito do festexo gastronómico e agradeceu o labor de todos os que traballaron para a organización e desenvolvemento das actividades.
“Hoxe é día de facer valoración dos resultados da XIII Festa do Chícaro, que se celebrou esta pasada fin de semana. Estamos moi contentos porque se esgotaron as existencias, pois vendéronse cerca de 1.500 racións o sábado. Ese día o tempo acompañou, ao contrario do que ocorrera nos anos anteriores, e iso dende logo que axudou. Houbo moita xente no pobo e estivo moi animado nunha fin de semana de xaneiro, o que non é fácil”, manifestou Javier Castiñeira.
O alcalde aproveitou tamén para facer agradecementos: “en primeiro lugar destacar o traballo do persoal do Concello, posto que foron os que serviron e axudaron a facer toda a festa. Tamén quero agradecer o labor dos profesores e alumnos da Escola de Hostalería que prepararon os tres pratos de cociña; á Pastelería Anduriña, por facer esa empanada tan rica; e, por suposto, a todos aqueles que colaboraron: Protección Civil, Policía Local e demais que fixeron posible esta festa. Tamén quero agradecer a todas aquelas autoridades que nos acompañaron no pregón e ao pregoeiro, porque nos fixo sentir moito máis focenses ca nunca, e incluso se veu algunha bágoa nese pregón. Saíu todo moi ben e estamos convencidos para ir xa pensando na seguinte edición”.
E Castiñeira rematou felicitando “ao principal coordinador desta festa, que é Pedro Fernández Manín, o primeiro tenente de alcalde e responsable da Concellería do Mar. Sen el sería imposible que saíran tan ben as cousas, polo traballo e esforzo que fixo el e tamén a asociación Sempre Foz”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
