A Deputada de Economía, Recadación, Facenda e Especiais de Contas, Pilar García Porto, e o representante do IDEGA e tamén Presidente do Foro Económico, Xoaquín Fernández Leiceaga, presentaron este martes a xornada informativa A situación actual das finanzas municipais, que acollerá o Salón de Actos do Pazo de San Marcos este venres, 22 de xaneiro.
García Porto explicou que se trata dunha xornada que organiza o Instituto Universitario de Estudos e Desarrollo de Galicia da USC (IDEGA), pois creou un observatorio que analiza anualmente a evolución das economías locais e o impacto no territorio. Está dirixida a todos os Concellos da provincia, especialmente, ao persoal que traballa nos departamentos económicos das entidades locais, así como ao público en xeral.
Na xornada participarán destacados expertos das universidades de Vigo, Oviedo e Santiago de Compostela, que afondarán nos procedementos técnicos para a mellora da xestión municipal, entre outros asuntos.
Programación
09:15 HORAS.- Apertura. A cargo da Deputada de Economía, Recadación, Facenda e Especiais de Contas, Pilar García Porto e do representante do IDEGA, Xoaquín Fernández Leiceaga.
09:30 HORAS.- “Unha panorámica xeral das finanzas do nivel municipal”: a cargo do Catedrático de Economía da Universidade de Oviedo, Javier Suárez Pandiello; autor de publicacións como “La Financiación Local en España: Radiografía del Presente y Propuesta de Futuro”; “El Esfuerzo Fiscal de los Municipios Españoles” ou “Déficit y Endeudamiento en las Haciendas Territoriales Españolas”, que fará unha pequena introdución sobre a situación actual dos concellos e municipios a nivel económico e financeiro.
10:30 HORAS.- “As finanzas municipais nos Concellos de Lugo durante a crise: un balance e algunhas propostas”, a cargo do Doutor en Economía pola Universidade de Santiago de Compostela e representante do Instituto de Estudos e Desenvolvemento de Galicia, Xoaquín Fernández Leiceaga. Nesta conferencia, Fernández Leiceaga ofrecerá unha visión polo miúdo da situación actual dos Concellos da provincia de Lugo en relacións as súas contas e finanzas. Durante a sesión, o Director do IDEGA ofrecerá propostas para mellorar a situación da economía dos Concellos e, polo tanto, da provincia.
12:00 HORAS.- “Os instrumentos tributarios municipais: ¿que debemos cambiar e como?”, da man de Santiago Lago Peñas, Catedrático e Director do Departamento de Economía Aplicada da Universidade de Vigo. É experto en campos como a facenda pública local, a economía rexional ou o voto económico, entre outros. Nesta conferencia, Lago Peñas fará un balance sobre as ferramentas que teñen os Concellos para recadar impostos para despois ofrecer novas vías para mellorar a situación financeira dos municipios.
13:00 HORAS.- “Transparencia e reformas orzamentarias: dous instrumentos de mellora de xestión”. Nesta mesa participarán José Caamaño, profesor de Economía Aplicada de Santiago, y Concepción Campos, secretaria de goberno local del Concello de Vigo y codirectora de Red Localis, que reúne a profesionais municipais e investigadores universitarios. Nesta conferencia trataranse temas como a importancia da participación, transparencia e goberno aberto, así como a importancia de realizar cambios na distribución clásica dos orzamentos, para conseguir os Concellos poidan mellorar a súa labor.
14:00 HORAS.- Peche, a cargo do Presidente da Deputación de Lugo, Darío Campos Conde.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
