O Burela FS Pescados Rubén recibe este xoves ao DLink Zaragoza na 20ª xornada de Primeira LNFS (20.30 horas), apoiándose na fortaleza do mausoleo laranxa para encauzarse no camiño da vitoria. Vista Alegre reunirá a dous rivais directos e de rachas negativas; os burelistas, undécimos con 21 puntos, encadean 4 derrotas e os maños, duodécimos con 20, tan só puideron sumar 1 punto nos últimos 5 partidos. O encontro poderá seguirse en directo a través de lnfsdirecto.com.
“Estamos mentalizados para romper esta racha negativa e máis na casa; unha vitoria antes do parón sería moi importante para nós. Estamos xogando ben, pero coa perda de concentración en determinados momentos concedemos demasiado aos rivais, que aproveitan esas oportunidades. Nos últimos catro partidos encaixáronnos algún gol por falta de concentración individual e iso non pode repetirse máis” explicaba Daniel Ibañes, incidindo na solidez e na regularidade para volver aos tres puntos: “Debemos ser o mesmo equipo durante os corenta minutos; debemos estar no partido en todo momento” advertía o técnico mariñán, en vésperas da cita fronte a un rival que avantaxa aos laranxas sobre todo en amplitude de plantilla e coa súa experiencia e pegada pode facer moito dano en Vista Alegre.
Á ausencia de Matamoros, súmase Iago Míguez, que deberá estar afastado das pistas as próximas semana por unha escordarua de nocello de grao 2 sufrida o venres en Elche. Entrarán na convocatoria Rubén e Aitor, do Burela FS B.
Na primeira volta, os tres puntos foron para o DLink, 6-2.
Convocatoria Burela FS Pescados Rubén: 1. Edu, 7. Isi, 9. Iago Rodríguez, 11. Chano, 13. Álex, 17. Carlitos, 18. Jorge Bellvert, 20. Chino, 23. Antoñito, 28. Rubén, 29. Aitor, 30.Hélder
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
