20 de xaneiro de 2016.- O portavoz do Grupo Parlamentario Popular no Senado e presidente do PP de Lugo, José Manuel Barreiro, reiterou este mércores, trala reunión da mesa da Cámara Alta, que “ao Sr. Sánchez non lle importa o prezo que os españois teñan que pagar para conseguir o seu obxectivo persoal de chegar a Moncloa”.
Barreiro afirmou que o PSOE aposta, unha vez máis, por favorecer a aqueles grupos que queren “romper a unidade de España”. “Xa o fixo aquí no Senado cedendo dous senadores a ERC e outros dous a DiL para que teñan grupo propio”, matizou.
O portavoz do GPP no Senado destacou que Pedro Sánchez “non asume a súa derrota e quere chegar a Moncloa custe o que custe”. “Non lle importa o prezo que haxa que pagar -continuou- aínda que este sexa a ruptura de España, a renuncia ao principio de soberanía nacional e á igualdade de todos os españois, independientemente do lugar onde vivan”.
A continuación, José Manuel Barreiro pediu a “esa gran maioría de socialistas” que creen na unidade de España que manifesten públicamente a súa posición en contra da ruptura do país. Ademais, recordou as recentes declaracións en contra da cesión de senadores a partidos independentistas, de destacados dirixentes socialistas, como García Page, Rodríguez Ibarra e Fernández Bara, entre outros.
Así mesmo, explicou que “ninguén cre en España que nada é a cambio de nada; pero os españois somos intelixentes e sabemos interpretar”, matizou. “Hai un pacto claro entre o señor Sánchez e todos aqueles que queren poñer en cuestión a unidade de España”.
Finalmente, Barreiro reiterou que o PP non está de acordo con ese posicionamiento e “seguirá traballando pola unidade e a igualdade de todos os españois”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
