Madrid, 20 de enero de 2016.- A delegada da Xunta de Galicia en Lugo, Raquel Arias, salientou “o gran labor divulgador” da guía gastronómica e turística da provincia E para comer, Lugo, que promove a Asociación Provincial de Empresarios de Hostalaría e Turismo, durante o acto de presentación que tivo lugar na tarde deste mércores en Fitur. “Sempre é un completo expositor da calidade e singularidades dos atractivos da nosa provincia”, dixo.
Nesta novena edición o Camiño a Santiago é o protagonista. “Unha elección moi acertada tras a designación das rutas Norte e Primitiva como Patrimonio Mundial; ao que hai que engadir que este ano son obxecto de promoción por parte da Xunta, seguindo o cronograma fixado no Plan Director, e que ademais celebramos o Xubileo extraordinario da Misericordia”, explicou Arias.
O Camiño a Santiago, no que conflúe a espiritualidade, un patrimonio histórico de primeiro orde e unha paisaxe natural excepcional, é un itinerario de referencia mundial, que contribúe de maneira decisiva á internacionalización e difusión de Galicia como destino. “E dado que a nosa provincia é na que se concentran máis quilómetros de Camiño, todos estes valores e todas estas riquezas atópanse aquí multiplicadas”, indicou a delegada, “e, en consecuencia, tamén recibimos o maior número de peregrinos. Ata tal punto que, tres de cada catro camiñantes que chegan a Santiago pasan pola nosa provincia”.
Raquel Arias puxo en valor tamén a credencial para os peregrinos que fagan o traxecto Lugo-Santiago. Unha iniciativa, “resultado do empeño de Lugo Monumental”, que conta coa autorización excepcional do Cabildo da Catedral de Santiago e o aval do Bispado de Lugo, e que permitirá a proxección de Lugo como cidade romana.
“Unha cidade con tres patrimonios da humanidade: Camiño, catedral e muralla”, salientou, “que o vindeiro 24 de agosto se asomara a todo o mundo” cando se converta en meta da quinta etapa da Volta a España, que sairá de terras mariñás.
“Temos que valorar o que temos, protexelo e dalo a coñecer”, engadiu, “porque quen vén a visitar a nosa provincia, vaia a onde vaia, sempre repite. E para comer, Lugo é unha boa guía para axudar a percorrela e descubrila tanto a oriundos como a foráneos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
